وعليكم السلام ورحمة الله وبركاته

م قصروا الكرام الي قبلـي :
لكن بضيف شيء بسيط ترى الطيبة الزاايدة م تنفع بها الزمن وخصوصآ مع البنات
لانهن راح يستغلنها لصالحهن وبمزاجهن .. انت عطيت المفتاح لهن وعرفوا نقطة ضعك
واستغلوهـا وللاسف شفت رد احداهن عليك وبخط ايدك قلت مانفع معها شيء "
المطلوب اخي الفاضل :
راجــع نفسك وصصح اخطائك وعدل من شخصيتك
البنت الي م تحترمك لاتسمع كلامها قولها عدلي اسلوبك واحترميني وابشري بالي تبين ..
كلمة " لا " لابد منها ولا بتعيش ضعيف مالك شخصية بينهن.. لازم يكون لك راي . "وشخصية مستقلة ."
وازن بين قول كلمة لا ونعم وطبعآ ع حسب تعاملهم معاك ممكن تكون قول " لا " سلاحك الاول وهـي السبب التغير تعاملهم معاك للافـــــضل .
صعب الولد م يكون عنده شخصيه والبنات يمشنه ع كيفهن هــذي النقطة إذ م حاولت تعدلها من الحين
راح تأثر عليك إذ تزوجت وممكن بكرة النهار زوجتك تعاييرك وتعاملك بنفس اسلوب اخواتك واخسس ..
فكــر بنفسك ترى طيبتك الزايده خلتك بنظرهم ضعيف شخصية >
من الآن حاول ان تتغـير :
طبعآ مو للاسوء للافضـل بمعنى ان اخلاقك م راح تتغير تعاملك الي بيتغيرك
مثلآ قول لهن :
انتن اخواتـي وانا احبكـن واسمع كلامكم وابد م قصرت معكن , بس انتن تتعمدن تغلطن عليه
وتفرضن شخصياتكن عليه ليه انا استاهل وهذا جزاي ؟
وين احترامـي وين تقديري ؟

_ قل لهن اسئلن صاحباتكن اخوانهم يسمعون كلامهم ؟
صاحباتكن يعاملون اخوانهم مثل ماتعاملوني ؟
تخيلوا تفقدونــي كيف بتكون حياتكم ؟ مين بيلي طلباتكم ؟

اضرب لهم الامثلة :
انك تعرف شباب معقدين اخواتهن وحارمينهم من ابسط حقوقهم تبغوني اصير مثلهم
عشان تعرفون أن الله حق ؟!

اطلب منهن يحددون طريقه لتعامل معامهم تناسبهم وتناسبك ؟
وضح لهم انكم بالاول والاخير اخوان وكل الي تريد توصله لمصلحتنا يالاخوان ولاجل م يصير كرهه وعداوة بينكم

تعليق ع نقطة " انت وامك تتابعون مسلسل تركي وكان به عرض لصورة عروس وطلبت منك اختك لاتطالع ؟!
طيب اسال نفسك كيف كانت هاذي العروس ممكن لاباسها عاري ؟ واختك من باب حرام تناظر وغض بصرك
اخــذها من باب النصيحة وعدي هالسالفه .!

_ وتعليق ع نقطه ثانية من كلامك "السالفه لو فيها بنت مثلا ما يخلوني اتكلم عنها او اسمعها ."
سلامااات وش تبـي بسواليف البنات هاذي اعراض ناس ومالك خص فيهن ..

كبــر عقلك وبطل فضول ولقافة وبلا من هالحساسية الزايدة , وعيش حياتك مثل ماتبي
الكلام الي يزعلك انظر له من جانب ايجابي إذ كان نصيحه ومنه فائده تقبله بإبتسامة وشكر .
وإذ كان غير مفيد ترفع عنه ..

اخواتكـ ابدا من الآن بتغيير اسلوبك معهن:
لاتقولهن اسرارك ولاتطيح الميانة معاهن بقوووه..
تعلم قول " لا " فانها مفيده لتأديب وبيراجعن انفسهن ليه رفض مو بالعاده يرفض وبيبحثون عن الاسباب وبيحاولون يحسـنون علاقتهم معاك .
الاخت الي تحترمكـ حطها بعيونك ولي م تحترم جزاهـ واقل من جزاهـ انك م تلبي طلباتها ألا بعد محاولات وتترجاك بعد
عشان تعقل وتحسب حساب كلامها قبل لاتقوله .
واخير اً :
خليك ف تعاملك وسط وخير الامور اوسطها :
" لاتكن ليناً فتعصر ولاتكن قاسياً فتكسر "

وربي يصلح حالك وحال اخواتك ويحنن قلوبكم ع بعض
دمت بسعاده ورضى وراحة بال ..