منتديات مسك الغلا | al2la.com - عرض مشاركة واحدة

**معاندة جرح** · 10-12-14, 02:43 PM

ياقلبي انا مع الاراء اللي فوق ولو ان من كتابتك لمشكلتك انتي تقريبا عارفه شنو الخطأ وشنو التصحيح
دام زوجك لسى ع البر ولسى ما تزوج ولسى مو حاط عينه ع وحده معينه
وانتي ع قولتك مزيونه وعاجبته استغلي هالشي
ونظفي نفسك واكشخي له ودلعيه بيشيل هالفكره من راسه بجلسه وحده معك بهالوضع
بالنسبه للنظافه والقمل مو مرغوب فيه لا متزوجه ولا مو متزوجه اسمحي لي بس هالشي لنفسك
كيف تتقبلي شكلك وانتي مو نظيفه ؟؟
القمل صارت حلوله سهله كثير هالايام
واكثرها علاج القمل اللي كشامبو او كـ دواء رش في الصيدليات او خليط الخل المخفف ولفي شعرك به وسويه كل يوم الصباح لما ما يكون موجود هو
وشوي شوي ح يروح
ونظافة المناطق الحساسه هذا واجب ديني وصحه قبل لا يكون شي زوجي
اهتمي فيها ونظفيها واستخدمي زيوت معطره او كريمات لهالمناطق يمكن بالبدايه تتكاسلي بس مع الوقت ح تتعودي وما تحبي نفسك بدون ما تكوني نظيفه وريحتك جميله
وبالعكس احمدي ربك ان مشكلتك لها حل سهل وسريع وان زوجك ما يحرجك برأيه حتى لو قالك عجوز ترا من اللي اشوفه حولي هذي اقل كلمه ممكن تسمعيها من الرجال بمثل هالظروف

اعذريني وسامحيني لكن كل شي لمصلحتك ولدوام زواجكم
الله يصلحك ويهديك