وعليكم السلام ورحمة الله

"وإن بليت بشخص لا خلاق له فكن كأنك لم تسمع ولم يقل" ..
م راح اقولك انقطع عنهم نهائيآ لان هالشيء بيحسسهم انك ضعيف والدليل انك ابتعدت فجأءة !
تعامل معاهم بـ التدرج بنقطتين :
اولآ: حول العلاقة بينكم لـ رسمية : سلام كيف الحال ؟وكلامك لايخرج عن نطاق الدراسة .
وحاول انك تطنش وتتجاهل كلامهم البذيء وتغيير مسار الحديث وتقلل الاختلاط بهم يمكن ولعل وعسى يحسون ويعرفون ان اسلوبهم وقلة احترامهم لك هي سبب تغييرك ,وبيتغير تعاملهم واسلوبهم أقلها انهم م يمزحون معاك ..

ولاتحط فـ بالك ان عدم ردك عليهم ضعف منك بالعكس انت تترفع عن الرد عليهم لاجل م تنزل لـ مستواهم وتساويهم بتفكيرهم و تصير مثلهم !
نصيحة لاتعطيهم اهتمام وخل الكلام مثل الغبار آما طاار فالهواء ولا دست عليه !
وتذكر :
إذا سبني نذل تزايدت رفعة ومالعيب إلا ان اكون مساببه
ولو لم تكن نفسي عزيزة لمكنتها من كل نذل تحاربه

ما جاب نتيجة الحل الاول :
ابتعد عنهم ولايكون بينك وبينهم ألا سلام وليكونوا بنظرك مثل الشخص الذي لاتعرفه
افضل من انك تضيع وقتك ع الفاضي ..
انت ذكرت وقلت "كلمات بذيئة وجارحة واحيانا محرجة "
بامكانك ترد عليهم بس م راح تخلص و لاتندم إذا صرت مثلهم واخس بعد
الصاحب ساحب وإذا مائثرت فيه راح يأثر عليك ..
والسفيه ماله ألا الحقران والاعراض عنه ..!
م عليك فـ احد ولاتعطيهم اكبر من حجمهم ..

الله يهديهم ويصلح الحال ويرزقك بـ صحبة الصالحه التي تعينك ع رضى الله وطاعته ~
ادعي ربك فـ صلاتك يرزقك بالصحبة الصالحة ,, ربي يحفظك ويسعدك ..