منتديات مسك الغلا | al2la.com - عرض مشاركة واحدة

**مطر الفجر** · 11-29-14, 11:42 AM

غاليه وعزيزه والله اختي السيده ملعقه
اقسم بربي حبيتك من اسمك رغم اني ماعرفك وتوك جديده معنا
وانا ما احتك كثير بالاعضاء والعضوات هنا بالمنتدى
بس اسلوبك كله براءة وطيبة والله حبيتك يا غالية
كل وحده ربي كاتب لها رزقها وش ماكان شكلها وطولها ولونها
وانتي توك صغيره لا تفكرين كثير بامور الزواج اتركيها على الله
شوفي قريبتي ملكة جمال كانها اوربيه طول ورشاقه
واخلاق بدون مبالغه مافي شي ناقصها تقريبا كامله والكمال لله
كل ماجاها عريس ما صار اتفاق
الحين عمرها فوق الاربعين و بعدها للحين جميله ولا كانها بالاربعين
و سبحان الله ماتزوجت وكل يوم تقول الحمد لله
يمكن عدم زواجي افضل من زواجي وكله خير من رب العالمين
كم من بنات تزوجو وهم صغار وحلوات واخر شي ما اتفقوا
اوعاشو حياة قاسيه مع ازواجهم
لا تخلين كلام اللي حولك ياثر فيك
والحمد لله انك كاملة الخلقه مو ناقصك لا عين ولا خشم
ولا يد ولا رجل
وكل ما سمعتي احد يتكلم لا تسكتين
خذي الامور ببساطه وضحك وردي عليهم قولي الحمد لله
رغم اني قصيره الا اني فخورة بنفسي
وعاجبني طولي وراح يجي يوم ويتزوجني واحد يحب وحده مثل طولي
بالنسبه لاخوانك اذا يضحكون عليكي انتي اضحكي معهم
وقولي لهم خذو راحتكم اضحكوا انا صحيح اقصر منكم
بس عقلي اكبر منكم
هم يزودونها عليكي لانهم يشوفونك تتضايقين
يبون يتونسون عليك زياده
بس ااذا شافوا الموضوع مايهمك وردة فعلك عاديه صدقيني
مارح يضايقونك بكلامهم لان بيكون شي عادي
ونصيحتي لك ابتعدي عن العلاجات والادويه تراها تضر اكثر مما تنفع
حتى ولو كانت تحت اشراف طبي
لانها تؤثر على المدى البعيد سواء على وظائف الكلى او الكبد
والحين ترى اغلب البنات صارت اطوالهم اقل من مية وستين
يعني مايفرقون عنك كلهم بالخمسينات لا اعلم لماذا ولكن هذا الجيل
اصبحوا قصار القامات سواء بنات او شباب
على فكرة انا طولي بالخمسينات ^_^
وقرات احصائية من قبل الشباب انهم يرون
اي بنت طولها اقل من مية وستين يعتبرونها قصيرة بالنسبه لهم
يعني انا في نظرهم قزمه بعد
عادي عيشي حياتك وطنشي
لك كل الود والاحترام والتقدير يا سيدة ملعقة ...