اذكر مره اول ماتخرجت من الثانويه .. قدمت على كلية الجبيل الصناعيه وانقبلت ..

المهم قالو سكن الكليه فل نص الترم اسكن برا والنص الثاني نوفرلك سكن ..

سكنت عند واحد ماعرفه في حي عزاب جيت ادور عندهم سكن ايجار لقاني الرجال الطيب

هذا وقال تسكن عندي ..؟؟!!

ياأبن الناس .. قال لا تسكن عندي .. مع الاصرار وافقت صراحه ..

كان ساكن في حي اسمه حي ( 2 ) حق عزاب في الجبل الصناعيه

مرت الايام وهو كان مايجي الا نااادر وانا اداوم وارجع وفي اجازة الاسبوع اروح عند اهلي ..

جا اخوي مره من المرات وقال ابغى سيارتك عندي شغل وكذا قلت اوكيه

بروح الجبيل المره هذي بدون سياره وبصراحه بجد اكلتهاااااا ..

مااعرف احد وجوالي ومحفظتي انسرقت ومامعاي ولا ريال ههههههههههه

قعدت على الحاله هذي يومين اشرب مويا بس ههههههههههه

والله من الجووع فكرت اني اصيد حمام واشويه هههههههههه

ومستحي لا اروح للجيراني اخذ منهم فلوس

انتظر اخوي بأي لحظه يجي

عندي ف الغرفه مجلات كثيره وقعدت اقلب فيهم والاقي ريييييييييييييياليييين ^^

يالله .. كأني شايف امي هههههههههه

واروح البقاله ذابحني الجوع ..

يوم طالعت للفطيره الا صغيره ماتسد الجوع ..

واشتري بريال صامولي ابو 8 حبات هههههههه وبريال سفن اب صراحه لذيييييييييييييييييذ


ومامداني شبعت الا واخوي جاي انفرجت مره وحده ^^ ذكريات حلوه ^^