اخي اول شي اعترافاك بانه انت تغيرت وصرت انطوائي واحساسك بالتغير هذا اول خطوة للحل
وتاني شي لازم تقعد مع نفسك وتبحث عن الاسباب اللي خلطت منطوي او مكتئب
وغالبا كل واحد فينا لا تغير بعرف سبب هالتغير بينه وبين نفسه حتى لو ما اظهر هالشي
حاول تعمل تجديد بحياتك تغير اهتماماتك وتتعرف على اشخاص جدد
تشوف الناس وتقرب منهم وتساعدهم
احساسنا وقت نشوف الناس ومشاكلهم وهمومهم بخفف عنا الكتير من همومنا وبنصير نشوفها صغيرة كتيرة ولا تكاد تذكر
اشغل وقتك باشياء مفيدة وخفيفة ما تاخذ منك وقت وجهد وبنفس الوقت تمضي الوقت
ولا تقضي وقتك على النت
لانه النت بدون لا نحس بسحبنا لعالم تاني وبخلينا ننطوي على انفسنا بدون لا اصلا يكون عنا مشكلة فكيف لو كنت انت انطوئي هالفترة
ردد دوما انك رح تكون افضل وتتحسن مع الايام بتحس بالتغير واحساس حلو عم يدخل لجواك بدون لا تحس
اهتم باهلك
صدقني اهتمام الانسان باهله فوائده كتيرة
احساس بالرضى وتقضية وقت
ومجرد تشوف البسمة على وجه امك وابوك واخواتك احساس رائع وجميل
ومث ما حكت مطر الفجر الرياضة كتير مفيدة لتحس انك احسن وافضل وتفرغ طاقاتك السلبية وتصير ايجابي
انسى اي خيبة امل او خيانة او خذلان من اقرب الناس لك
و قرب من ربنا وخلي املك بالله بس مش باي انسان او اي حد
رح تحس دوما بالرضى وانه بنبع من داخلك
وتاكد دوما انه ربنا بعوض الانسان عن كل هم وغم وتعب مر فيه
وربنا يسعدك