مانسيتك ياحبيبي لو انك قد نسيت
عشرتك فرض بحياتي وانا مؤمن بها
تبكي عيوني غيابك لو انك مابكيت
والحزن دلة شقى والحشى فنجالها
ايه احبك واعشقك ياغناتي وابتليت
والمحبه لو فرس ينكسر خيالها
انت روحي والعمر وانت كل اللي بنيت
وانت راس المال وانت الضبي سيد المها
في غيابك ياحبيبي تراني ماقويت
صدتك توجع وانا ماقويت اصدها
شاب راسي من فقدتك الا ليتك دريت
جمرة اشواقي في قلبي جفاك يكرها
حزن وهموم والم كنها جبل حفيد
وسط قلب اللي يحبك لعينك ضمها
ياوجودي وجد فقري بلا شغلن وبيت
ضايقن من ديرته والرفاقه ملها
خذ عهد ياصاحبي غير شخصك ماقويت
ياقصيدي والبحور جزرها مع مدها
والله ان احيا واموت من غرامك ماشفيت
لين يدفن عاشقك قل وفالي وقتها
ابن فطيس