مـع السـلامه وانـتهى كل مافات ..
ماخنـت لكنـك مع الوقت بـ تخـون

ساعدني انسى ماحصل دون شرهات
اخـر جـروحـك تاخـذ ايام وتـهون

ماشلت هم الجرح .. ماقلتلك هات
خليتني ضايق..و حاير.. ومغبون

بـ سكات ودعني.. واودعـك بـ سكات
ماكـنت احـسب فـ يوم تخدعني ظنون

الصـبر مفتاح الـفرج والمـسرات
لكـن معاك الصـبر لايمـكن يكون

ياكـثر زلاتك معي انت بالذات
وياكـبر ذنبـي لاحـسبت انك تمون

كـنت القريب.. وخابت كثير هقوات
وياما على شانـك تحملت...بـ جنون

عطـني خـبر قبل الخيانه بـ ساعات
عشان اجمع مابقى لي من طعون

هذي النهايه .. واستلم هالعبارات
بـ تخون عادي.. واجد اللي يخونـون