08-08-15, 02:09 PM
|
#12 |
| اترك أثر طيب | | | | | | | | | | | | | | | | | | | | | | | | | | | | | | | 
الله يبارك لك يا عريس
يا حبيبي ريح بالك أول ما تدخل تأكد أن البنت أكثر خجل منك وهي ماراح تفضحك ولا شيء أنت بس خلك معي حبه حبه .
أول ما تدخل ادخل خفيف الظل وسلم عليها بكل هدوء وأجلس قريب منها لكن لا تلمسها . قول الكلام الثعلبي وحط تحت الثعلبي 55 خط.
قول الحمد لله إن الله رزقني البنت اللي أنا أبغاها تكون معي في الدنيا والآخرة . أنا صحيح ما شفتك إلا مره ولكن يا بنت عمي أحيانا النظرة تغنيك عن ألف ميعاد خاصة لو كانت النظرة لبنت خلوقة وكريمة مثلك وأنا بصراحة ماراح أقدر أعبر عن اللي في قلبي بس إن شاء الله بترجم كل هالأحاسيس إلى واقع ملموس . يابنت عمي الحياة فيها الحلو والمر وأنا قبلت أعيش معك الحلوه والمره من كل لحظات حياتنا وما راح أعبر عن شكري لله اللي رزقني هالحورية إلا بركعتين شكر جماعه نبدأ فيها مشوار حياتنا على سنة الله ورسوله .
سبحان الذي خلق فسوى ماشاء الله تبارك الله ما شفت فيكي شيء أجمل منك إلا الخجل اللي على خدك . بس أنا شريك عمرك ومخزن اسرارك والصدر الحنون اللي يحفظ أمانة أهلك اللي ما راح أقدر أرد جميلهم يوم وافقوا يزوجوني هالملاك اللي بحفظها بعيوني وأشيل همك وأبدله بسعاده .
يا بنت عمي أنا علمني أهلي أكون قد المسؤولية وإنتي عطيتيني أثمن ما عندك وأنا أثمن ما عندي روحي اللي ترخص لأجل عينك وتأكيد هالكلام كله أدونه بختم وعد الحر وهاذي قبلة على جبينك .
بعد هالموقف قوم توضأ واطلب منها تتوضأ وصل بها ركعتين ولما تخلص حط يدك برفق على راسها وادع الله يجمعكم في الدارين بكل سعادة ويرزقكم الذرية الصالحة ويبعد عنكم وساوس الشيطان ويبعده عن ذريتكم .
بعد الصلاة لا تباشرها لأن بعض الأعراس تكون العروسه فيها منهد حيلها وظهرها مكسور من الجلسة والنوم عندها غاية مطلبها .
الحين يبدأ استعداد العروسه للسهر معك أو لا .
قولها كلام رقيق ما قلته من قبل وخبرها إن راحتها أهم من أي شيء وأنك ملكها وهي ملكك لأبد وإن شوفتها مرتاحه معك غاية مطلبك .
خلها تبتسم ولما تشوفها مبتسمة أكلها شيء خفيف بيدك وشربها رشفة ماي أو عصير واشرب من المكان اللي شربت منه .
ذكرها بشيء هي تحبه وأنت تعرفه وخليها تحس إنها كبيرة فعيونك وصدقني راح ترد هالجميل وتعيشك أجمل حياة لأن البنت تحتاج اهتمام من الرجل ...إذا قل اهتمامك تبدأ تهتم بمكملات سعادتها اللي يمكن ما تناسبك أو تناسب وضعك المادي.
يا حبيبي مافي ذل بين زوج وزوجه ولا احراج ...مسألة المباشرة تأتي لما تكون أنت وهي مستعدين بعد الفرفشة والضحك والسوالف والسهرة الرومنسية .
تذكر كلام أخوك ...قد يكون كلام الزوج في هالليلة وسهرته بالسوالف مع عروسته أجمل يوم في حياة العروسة وراح تتذكر كلماتك مدى الحياة فحاول تعطر كلماتك لان اللي جالسه بخجل قدامك تستحق .
:eh_s(21)::eh_s(21)::eh_s(21)::eh_s(21)::eh_s(21): :eh_s(21)::eh_s(21)::eh_s(21)::eh_s(21): |
|
|
|