الحلقة الثالثة




رديت على الجوال ..

- السلام عليكم ..هلا اخوي / ناصر
- هلا هلا يا دكتور .. مرحبا فيك ..
- والله صوتك يقول انك توك صاحي من النوم ..
- أي والله ..
- طيب .. اذا صحصحت اتصل عليّ .. ترى عشاك جاهز ..
- كيف ...؟؟!!!
- اقول .. الموضوع انتهينا منه .. حياك الله .. وارجوك لا تردها ..
- سمّ وابشر .. بس عطني ساعة اخذ دش واسوي check out مع الفندق واجي لك ان شاء الله ..
- طيب .. خذ راحتك .. احنا بعد صلاة العشاء بانتظارك ...
- ان شاء الله ..
انتهت المكالمة .. واستغربت إصرار الدكتور على ضيافتي ..


اخذت دش .. وصليت المغرب والعشاء جمع تقديم .. وبعدها سلمت الغرفة .. وطلعت باتجاه منزل الدكتور / سعود ..
وصلت تقريبا الساعة 8:10 مساءا ..
لقيت فيلا الدكتور مفتوحه ..
دقيت الجرس ..
سمعت صوت الدكتور من داخل الفيلا ..
- تفضل .. حيااااك .. هلا اخوي ناصر ..
- الله يحييك .. السلام عليكم ..
- وعليكم السلام .. شرفت اخوي ناصر .. تفضل
- الله يشرف مقدارك يا دكتور ..
دخلت المجلس .. وبعد كلمات الترحيب .. حدثت اول مفاجأة هذه العلاقة السريعة ...


- السلام عليكم
( كـأنني اسمع صوت انثى ...........)
التفت نحو الصوت ..
الاّ امراءة متحجبة وكاشفت الوجه ...
- هلا ام فهد حياك .. هذي زوجتي مها يا ناصر ..
- وعليكم السلام .. هلا ام فهد ...
اطرقت برأسي في الارض وانقطع حبل الكلام عندي .. وكنت في موقف لا احسد عليه .. جلست ام فهد في المقعد – امامي بشكل مباشر ...
- اخوي ناصر ادري انك مستغرب شوي .. بس خلني افهمك الوضع .. زوجتي مها دكتورة نساء وولادة في مستشفى ....................... وما عندي أي تحفظ في مسألة جلوسها بين الرجال اذا كان في حدود الادب
- والله مدري وش اقول لك .. يا دكتور
- لا تقول شئ انا اعرف طبعكم يا اهل المناطق الوسطى .. عندكم تحفظ شديد على مسألة حجاب المراة وخاصة مسألة كشف الوجه ..!
في هذا التوقيت تداخلت بالكلام الدكتورة مها ..
- اسمع يا ناصر ...


تفاجأت من اسلوبها وكلمة اسمع يا ناصر – حاف من دون أي اضافات .. واكملت حديثها تقول :
- مشكلتنا اننا حوّلنا العادات الى عبادات واصبحنا نقيس الاخرين من خلال عادتنا ورؤيتنا الخاصة ولم نقف يوما واحدا مع انفسنا نسأل عن صحة قناعاتنا ..!؟
- عفوا يا دكتورة وش القصد ..!!؟
- اقصد انت الان اذا سافرت بزوجتك واولادك او خليني اقول اذا سافرت احدى قريباتك الى خارج المملكة هل التزامها بالحجاب برا كالتزامها بالحجاب داخل المملكة ...!!؟
- يا جماعة ترى انتو اخذتوني في موضوع بطريقة الاغتصاب ههههههههههههه .. وكأنكم حكمتم عليّ بانني مع اتجاه معين .. عموما يا دكتورة ويا دكتور انا [ هنا ] ضيف عندكم ولست في محكمة علشان اثُبت او نفي عني تهمة ... هههههههههههههههه وبعدين شكل الموضوع له تبعات واثار لديكم قديمة تبون من خلالي اثبات وجهات نظركم للمجتمع .. انا يا دكتور لست الا شخص واحد .. وحتى هذا الشخص لم يعبّر عن وجهة نظره حتى الان ...ههههههههههههههههه
- صحيح .. صحيح ... ههههههههههه عموما .. الله يحييك اخوي ناصر .. والموضوع مثل ما قلت سار باتجاه غير محبب ..!! امممم
تداخلت [ هنا ] الدكتورة مها ..
- الحقيقة ... طبيعة الانسان الشرقي وخاصة اهل نجد في المملكة لهم خصوصية في مسألة الحجاب وتغطية الوجه ، لهذا انا والدكتور من خلال هذه القناعة صرنا في موقف هجومي عليك ههههههههههههههههه
- هههههههههههههه الدنيا تغيرت يا طويلة العمر .. وحتى اهل نجد صار لديهم بعض القناعات المختلفة .. والدليل شوفي الاسواق في الرياض مثلا .. لا يستغرب فيها مشاهدة فتاة غير متحجبة او بمعنى اصح غير متغطية .. وفيه عائلات الان لديهم توجه كبير في مسألة كشف الوجه .. وللعلم انا ضد كل هذه التوجهات وارى اهمية غطاء الوجه للمراءة وان غطاء الوجه استر لها وهو محل الاختلاف بين العلماء ...



في هذه الأثناء وانا أقول هذه الكلمات قاطعني صوت اخر [ السلام عليكم .. ] – ولكنه هذه المرة مختلف تماما ...