منتديات مسك الغلا | al2la.com - عرض مشاركة واحدة

**إحساس طفله** · 09-02-15, 03:12 PM

وش ذكرك فيني بعد ماتغليت
وانا مع النسيان هأليوم بادي

مدري كنت ناسي ولا تناسيت
ولانسيت شلون تجرح فؤادي؟

تزعل علي وتقول في حقي اخطيت
حسبي عليك شلون ناكر ودادي

عانيت انا الجهران والحزن عانيت
وياما نزل دمعي وغرق وسادي

انا اعترفلك دامك اليوم مريت
انك غلا واحساس قلبي الهادي

ياويل حالي منك يوم انك اقفيت
تكفى تجيني اليوم ضايع مرادي

انا احبك موت وشلون صديت
ياخي تعال ارجوك ضاعت بلادي

اهديت الك قلبي وفرقاك اللي اهديت
وشلون تهديني قهر ياودادي

هذي جزاتي ..والله انك تماديت
والحب صار بواد وانت بوادي

ادري تمناني وياكم تمنيت
اني اجي مشتاق لوردك الكادي

وتدري هذا حلمك وتبكي ولا جيت
والبادي اظلم دوم وانت البادي

هذا اعترافي لك ولو انك ابطيت
عندي الكرامه فوق وتحتها عنادي

سلام ياللي كان لك فالحشا بيت
اكذب عليك ان قلت فرقاك عادي
...