تلقفـت يـوم مرتنـي ونادتـنـي=وخلتني امشي وراها مـن لقافتهـا


وراحت تجر الخطاوي يوم جرتنـي=يازين ذيك الخطاوي يـوم جرتهـا


وقامت تهز الردايف يوم شافتني=في كل خطوه تفز القلب خطوتها


ياليتها يوم مرت كان ماجتني =ولا جابها الله بعيني من قرادتها


نفسي على الزين مفتونه وعنتني=وإلياتعنت نقدر .. جد عنوتها


جزل المعاني بوجدي منه ضمتني=وعشقت كل القصايدلجل ضمتها


يوم القصايد تقول البنت غنتنـي=الله يا محلى القصايد يوم غنتها


من حسنها كن مابه بنـت مرتنـي=والله ولا اللي تدور لجـل شهرتهـا


رعبوبتاً تقهـر الخفـرات خلتنـي=أسوق ذود القصايد لجـل هامتهـا


ليا سلهمت بالعيون السود هزتنـي=هيبة عريب المراجل كيـف هزتهـا


عزالله انها تعدت بس حاستني =ومن عقبها راح قلبي وسط حوستها


يوم الجدايل على الأمتـان لفتنـي=بشقر الذوايب وحلاوة طرح قذلتهـا


برقع.. دلع.. شئ.. مدري بس رجتني=وارج قلبي من العنقاء ورجتها


ووقفت كـل المطايـا يـوم جابتنـي=وكل القصايد تمثـل لجـل وقفتهـا


وإن كان روحي ووجدي جد طاعتني=لأ لبس الشعر تاج(ن)ً فـوق هامتهـا