يسعد صباحكم جميعا
الحمدلله هدأنا بعد ان صلينا الفجر وذهبت أثار المشاركة السابقة مؤقتا , بدأت اتصفح مخزون مدوناتى السابقة فوقع نظرى على مشاركة جلها كان بالشعر اتمنى ان تحوز على رضاكم على الاقل ولن اطمع فى الاعجاب بها لان سوف تنتج عنها ضرائب جمركية لانها بضاعة غير معفية من الرسوم .....
تفضلوا :
---------
الشعر له فنونه وانا من عشاقه واتمنى يوما ما ان اكتب قصيدة موزونه ( امل ابليس بالجنة) )))))
هذى ابيات اضحكتنى
____________________
( علاقة النت ) للعشاق .. وهميّـه
غموض وأوهام مانقدر .. نفسرهـا
حاول تعيش الحياه .. بكل عفويّـه
بلاش .. من دبرة ٍ منته .. مدبرهـا
تحبها حب .. وأشواقك .. جنونيّـه
والأخت : حاذفتك أصلا من مسنجرها
وهذى ابيات اعجبتنى
__________________
بعض البشر يخطي وتدمح خطاياه
وبعض البشر لـوزل لازم تدوسـه
وبعض البشر خبلٍ ومبلشك ويـاه
سلم المراجل مافهم فـي دروسـه
وبعض البشر عذبٍ وسمحه سجاياه
ودك توطي فـوق راسـه تبوسـه
...............................................
خِلْقٍ يضيْق وسبّته من غثا الخَلْق
وخَلْقٍ تداري الهم وتوسع الخِلْق
خِلْقٍ يداري خاطر الخَلْق بالخِلْـق
وخَلْقٍ تسيب الخَلْق لخالق الخَلْق
وهذى ابيات ابكتنى
_______________
يابوي ليه تبكي كل ما شفتك وعينـك لـي
تخاف أموت يابوي ... وقبل الموت تبكيني
كفا يابوي لا تبكي وأنا موجود معك وحـي
أجل بعد الرحيل أشلون في قبري توطينـي
ابوي لو تموت الناس ماتسوى دموعك ذي
وأنا يابوي ميت قبل أموت وأنت محيينـي
قسم بالله يابوي لجل عينك شربـت الغـي
جرعت الهم والحرمان وبحر الويل يسقيني
تحملت السنين اللي طوتني في عاذبي طـي
وصار الجمر بكفوفي .. وتحت أقدام رجليني
يابوي ماعلى عمري حسافه ولا بقا بي شي
ولكـن بطلبـك يابـوي تكفـا لا تخلينـي
يابوي مابي غيرك يغسـل جثتـي بالمـي
وتكفا قبل لا أتكفن .. يابوي فكلـي عينـي
بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي
وخل الناس تحملني وترفع راسي ورجلـي
وتأخذني على قبري وتكسب أجرهـا فينـي
وأذا جيت القبر يا بوي نزلني شوي شـوي
ووجهني لبيـت الله .. وقبلـه المصلينـي
وحط الطين وأدفني وعز اللي يعـزي فـي
ثلاث أيام يابـوي .. يواسـوك المعزينـي
ورابع يوم يا بوي تذكر .. ضحكتي وعنـي
تذكر وش كنت أقـول يـوم أنـك تنادينـي
تذكر يوم كنت أنام في ظل النخـل والفـي
تجي يمي تصب الما..على وجهي وتصحيني
تذكر جرة الموال وصوت فـي حبالـه كـي
تذكر يوم أغني لك قصيدي وانت توحينـي
تذكر ضحكتك لا قلتلك يابوي عشقـي هـي
تذكر كم قصيدة خافيـه مـا بينـك وبينـي
تذكر كل شي كان وأذكـر يـوم انـا حـي
ولكـن أسالـك بالله يابـوي لا تبكيـنـي
---------------------------
كل بيت وانتم بخير حبايبى !!