-



وعليكم السلام و رحمة الله وبركاته

أول شئ ما شاء الله عليك عجبني محاولاتك للتقرب لاختك وتقويمها
دا معناه إنك إنسانة واعية وفاهمة مش ملولة ولا متسرعة

بالنسبة لتعامل والدتك معاك هي مش بتسفهك بمعنى الكلمة
لكن الأم دايما بتشوف اولادها صغار مهما كبروا ماعدا الابن او الإبنة الأولى
لما توصلي لحالة اخواتك وبعد زواجك او قرب زواجك ان شاء الله ح تلاقي اسلوبها اختلف وياك
ويمكن هي بتسمعك و تحط ف راسها كلامك من غير ما تحسي
اوقات تاخدنا الظنون ان كلامنا مش مسموع ولا حد مهتم برأينا ويكون العكس
خلي ثقتك بنفسك نابعة منك..من رأيك حتى بدون التصريح به من تصرفاتك وعقلك
بلاش تستني تشوفي ردة فعل غيرك على رأيك عشان يزيد رصيد ثقتك لأن ميزان الزيادة ممكن بوقت تاني يكون ميزان نقص
ويخلي ثقتك مهزوزة ومذبذبة..استقرار الثقة دا بإيدك لوحدك


تاني نقطة ..الهدوء مش صفة منبوذة
كوني زي ما تكوني اهم شئ كوني بطبيعتك
الخوف من التعامل مع الناس لأن يمكن تتكلمي غلط او غيره لا يقرب للهدوء ولا الصرقعة
هو مشكلة عن نفسي اشوفها مرحلة وقتية ومسيرها تفارقك بس محتاجة منك تكتري من تعاملك مع الناس
وتعبري عن اللي جواك بشرط تميزي بين الصح والغلط..الكلمة اللي تحسي انك ممكن تندمي بعد ما تقوليها ابعدي عنها


اختك بصراحة مش عندي خبرة في التعامل مع الاطفال وممكن انجلط من عنادهم او اعاند زيهم هههههه
يعني احس التعامل مع سن زي سنها صعب بس اهم شئ لا تسكتي ع الغلط لأن من شب على شئ شاب عليه
والسكوت عواقبه وخيمة وبنفس الوقت حاولي مرة واتنين والف انك تتقربي وتصادقيها واعرفي كل كبيرة وصغيرة عنها
اندمجي معاها كأنك من سنها



اما اخوكي ...خديها قاعدة ان الاخوان مزحهم تقيل و عندهم التريقة بتكون دعابة ^_^
خليكي مزوحة معاه واتقبلي مزحه من وجهة نظره طالما ان فيه حدود
ومقاطعتك له حرام حتى سبب الزعلة ناسياها ههههههه
صالحيه وصادقيه انتي اقرب من ف البيت سنا له يعني لازم تكوني اكتر من يفهمه واقرب حد منه

الله يسعدك و يعينك