العز مـطـلب والمراجــل تـوافيــق
والـهـون بــاب ما لنا فيـه مدخال
ما لي على بعض المواضيع تعليق
واللي تشوف العين مايشرح البال
أصد عن ما يـفـعـلـون المـخـالـيـق
لكـن مايـخـفـى عـلى الله مثـقـال
وان شفـت بيبان السعادة مغـاليق
الصبر مفتاح عـلـى كـل الاقفـال
وإذا لحقني من زماني مـلاحيـق
ازبـن علـى منزل تـبارك والانفال
الفقر مـا عاب الـرجـال المطاليـق
كمـا يـعـيـب المــال عــبادة المال
جيـل المصالـح ينقضون المواثـيق
والجيل الاول فرق عن كل الاجيال
عاشوا علـى شـدة وعاشوا على ضيق
لكـن صاروا للشيم مضرب امثال
الجود ما يبـغى دعـاية وتسـويـق
الجود بالافـعال مـا هو بـالاقـوال
الكنز ماهو بالذهب في الصناديق
الكنز معرفـة الرجاجـيل الابطـال
صح لسان شاعرها