اليوم الثاني
ابو رعد صار عنده الخبر من اخته وداد
ابو رعد وهو قاعد على السفره الكل موجود الا بدور : رعد دريت بلخبر
رعد : اي خبر
ابو رعد : اختك بدور طلبوها البارح
رعد : ومن الي طلبها
ابو رعد : خويك نايف
رعد باستغراب : نايف ما غيره
ابو رعد : ايه نايف
رعد : شوف ولد اللذينا وما قال لي
ابو رعد : وش تبيه يقلك
رعد : اي شي انا رفيق عمره وما يقلي
ابو رعد: طيب الحين انت وش رئيك بلموضوع
رعد : والله يبه نايف رجال نشمي وصاحب واجب بجد يستاهل بدور
ابو رعد : يعني نتوكل على الله
رعد : اذا تبي يبه تسئل عنه اسئل
ابو رعد : وانا ابوك الولد من صغره وحنا نعرفه مافي داعي نسئل
رعد : وبدور وش رئيها
ابو رعد : لسى ما سئلتها الا يبه وين اختك
منال : بغرفتها اناديها لك
ابو رعد : لا يبه انا بروح لها
رعد : يبه انا رايح الشركه تبي شي
ابو رعد : لا سلامتك يبه
رعد : وانتي منول
منال : سلامتك
===رعد طلع للشركه وابو رعد راح لغرفت بدور===
ابو رعد دق باب بدور : يبه بدور
بدور : هلا يبه تفضل
ابو رعد : اعتقد انك تعرفين وش جاي له
بدور نزلت راسها : خير بيه امرني
ابو رعد : يبه نايف ولد سعود ال ... خطبك وابي اشوف رئيك
بدور ساكته ولا تكلمت بحرف
ابو رعد: يبه لا تستعجلين استخيري وفكري على مهلك والولد ما يعيبه شي
بدوور: ان شاءالله يبه
ابو رعد : تبي شي
بدور : سلامتك يبه
ونزل ابوها
،،،،،،،
منال كانت تكلم عمها عزوز : انت بتجنني
عزوز : ليه وش سويت لك
منال : مدري عنك تقول كلام اهبل
عزوز : طيب خلاص انسي الحين وش رئيك نتزوج
منال : من جدك انت
عزوز : ايه ليه بدور وش عندها تتزوج قبلنا
منال :ههههه حرام عليك نصيبها وجا قبلنا وش نسوي
عزوز : وش رئيك انتي تدوريلي على بنيه حلوه وانا ادورلك على عريس
منال : انت اكيد انجنيت شلون تدورلي وش بتقلهم تعالو تزوجو بنت اخوي
عزوز : عادي وش بيصير
منال : مجنون بجد
عزوز : اقول منول اكلمك بعدين الحين عندي شغل
منال : اوك
عزوز بعد ما قفل الخط : هلا فيصل وش عندك
فيصل : يا اخي ضايق خلقي وقلت اجي اسولف معك وبعدين اش الحركات الجديده من متى تكلم
عزوز: اكلم
فيصل : ايه وش فيك مستغرب توك قافل الخط اول ما جيت
عزوز : هههههه هذي بنت اخوي رفيقتي هذي من لما كنا صغار
فيصل : بنت اخوك هاه
عزوز : والله بنت اخوي اذا مو مصدق ادق عليها الحين .. ودق وفتح السماعه ..
منال : هلا
عزوز: هلا منول اخبارك
منال : توك مسكر الخط يعني وش بيصير
عزوز : طيب وش فيك معصبه
منال : انت مدري وش فيك اليوم
عزوز : طيب سلطان وينه
منال : بغرفته وش تبي منه
,عزوز : ابي اكلمه
منال : اتصل فيه
عزوز : لا ابي اكلمه من جوالك ودي له الجوال
منال: طيب الحين ..يبه عزوز يبيك.. خذ ابوي
عزوز : هلا سلطان وشلونك
ابو رعد: هلا عبدالعزيز الحمد لله وانت اخبارك
عزوز : بخير الله يسلمك
ابو رعد: هاه وش عندك
هنا فيصل ضحك
عزوز : ابد سلامتك بس اسئل عنك
ابو رعد: مشكور يلا ارجع الحين لشغلك
عزوز : تامر يا الغالي يلا سلام
ابو رعد : الله وياك
عزوز : هاه صدقت
فيصل : ايه ههههههه
عزوز : وش فيك تضحك
فيصل : لانو بجد بهذلتك
عزوز : هي اليوم بس كذا لانو من الصبح وانا العب بأعصابها هههههه
فيصل : مجنون
//////////////
رعد: خلاص انسى انو انا رفيقك
نايف : يا اخوي والله ما قلت لاحد
رعد : وانا احد انا رفيقك واخوك
نايف : ادري والله ادري حقك علي امرني بلي تبي
رعد : الغداء اليوم عليك
نايف: حاضرين والله قلت لها انو بيصير كذا
رعد : قلت لمنو وش صار
نايف : قلت لاختي انو انت بتزعل وتصير سالفه
رعد : هاه يلا روح عملك
نايف : طيب
&&&&&&&&&
بدور قاعده تفطر ومنال قاعده بلصاله
بدور : منال وش رئيك بلموضوع
منال : بدور حبيبتي انتي استخيري وان شاء الله ما يصير الا كل خير
بدور : ان شاء الله
منال : والله وكبرتي وصرتي عروس
بدور قامت وقعدت قرب منال : تصدقين منال كنت اتمنى انو امي هي الي تجي وتقلي ذا الكلام
منال لمت بدور لها : وعميمه مثل امي وما رح تقصر معانا
بدور وعيونها تدمع : ادري
منال تمسح دموع بدور: طيب ليه تبكين الحين
بدور : مدري
منال :اقول قومي غسلي وجهك لا يجي ابوي الحين وتشغلين باله
بدور : طيب
((((((((()))))))))
شهد : يمه يا حبيبتي خلينا ما ابي اروح الرياض
ام وائل : الحين انتي معطله خلينا نروح نغير جو
شهد : يمه تونا جايين من هناك وبعدين ابوي مو فاضي عنده شغل
ام محمد : وائل يودينا
شهد : يمه حتى وائل يشتغل يمه انا ما ابي ارووووح
ام محمد : اقول روحي بس ما عندك سالفه
شهد : طيب بروح
&&&&&&
الساعه 10 الليل
كانت بدور وابوها ومنال قاعدين بلصاله يشوفن التلفزيون
دق جوال ابو رعد : هلا وخيتي هلا اخباركم ..... الله يسلمك وعيالك وشلونهم ..... ايه ان شاء الله .... ايه برد لك خبر """ وقفل الخط """
بدور : هذي عميمه
ابو رعد : ايه وداد تقول وش صار بلموضوع
بدور : اي موضوع
ابو رعد : يبه موضوع خطبتك يبه الناس منتظرين وما يصير نطول عليهم
بدور : يبه الي تشوفه انت
ابو رعد : لا يبه ما ابي الي اشوفه ابي اسمعها منك
بدور وهي واقفه : موافقه ... وراحت لغرفتها
ابو رعد : هههههه استحت
منال: يحليلها كبرت وصارت عروس
ابو رعد : وانتي يبه ان شاء الله بجيك ولد الحلال الي يسر خاطرك واشوفكن متزوجات ومرتاحات ان شاء الله
منال : الله يطول بعمرك يبه ويخليك لنا
ابو رعد اتصل لوداد وعطاها الرد
!!!!!!!!!!!!!!!!!!!!!!!!!!
بدور قاعده بغرفتها تفكر الي هي فيه جد ولا خيال
: يا ربي مو مصدقه يعني هو جد يحبني اه ...وفصل عليها جوالها
نوره : سلام
بدور بصوت هادئ: هلا نوره
نوره بنفس الهدوئ: هلا فيك
بدور : وش تبي كل شوي وداقه
نوره بهبل : قولي وافقتي ولا
بدور : ايه
نوره: هاي واخيرا
بدور : انبسطي يلا ولي
نوره : اش دعوا ما تبي تسمعين صوتنا
بدور : عندي مكالمه اكلمك بعدين
نوره : اوك
بدور فتحت الخط الثاني : هلا مشاعل
مشاعل : هلا بدور اخبارك
بدور: الحمد لله تمام وانتي
مشاعل : تمام مافي شي جديد الاصدق الي سمعناه
بدور: وشو
مشاعل: خطبك اخو وئام
بدور: ايه وش دراك
مشاعل : الف مبروك يا حياتي الفال لنا
بدور: ههههه ان شاء الله بس منو قال لك
مشاعل : وئام توني مسكره منها
بدور : ايه وش عندك بعد
مشاعل : تصدقين فرحت لك من كل قلبي
بدور : يا حياتي تسلمين
وكملو سواليف
£££££££££££££
وداد اتصلت لام نايف : الو السلام عليكم
ام نايف : هلا وعليكم السلام
وداد: كيف الحال يا فاطمه
ام نايف : هلا وداد هلا والله ومرحبا الحمد لله كيفكم انتو
وداد : الحمد لله والشكر
ام نايف : الحمد لله
وداد : اقول يا ام نايف ترا بدور وافقت واحنا ما بلنلقا زوج لبنيتنا مثل نايف
ام نايف : تسلمين يا وخيتي احنا والله الي محظوظين ببدور
وداد : الحين ان شاء الله الرجاجيل يتفقو على كل شي
ام نايف : ان شاء الله والفال لبناتك ان شاء الله
وداد : ان شاء الله
££££££££££££
بنص الليل الكل نايم الا العاشقين هههههه
وسن تكتب مسج: تصدق لما شفت اهلي حسيت الحياه رجعت لي
ماجد يرد لها : جد وانا بعد بس كنت قلق ومنتظر احد يطمني
وسن : على ايش قلق؟؟؟؟؟
ماجد : عليك انتي
وسن : هههههه التهيت مع اهلي ونسيت
ماجد : تنسيني يا وسن
وسن ما عرفت اش ترد
ماجد : وش فيك وين رحتي
وسن : موجوده
ماجد : وسن ابي اقلك شي بس لا تزعلين وما ابي شي يصير بعد ما اقلك
وسن : طيب قول خوفتني
ماجد : هههههه لا تخافي بس ابي اقولك سر
وسن : تقول لي انا !!!!!؟؟؟؟؟؟
ماجد : ايه بس ابيك الحين تسوي صوت تلفونك صامت
وسن : ليه
ماجد : سوي الي قلت لك
وسن سوت الي قال لها : سويت
اتصل ماجد وهي ماتت من الخوف وفتحت
ماجد : احبك وابيك لي وسن .... وقفل الخط
وسن ظلت بمكانها ولا حتى حركت يدها مصدومه
ماجد رسل مسج : وسن وينك
وسن خلاص فص ملح وذاب
ماجد : ردي علي
وسن قفلت جوالها وتغطتت بلحافها
ماجد : طيب اذا زعلانه قولي طمنيني الله يخليك ..سكر تلفونه ونام
&&&&&&&&&
بنفس الوقت
بدور قاعده بشباك غرفتها تسمع اليسا
::يا ربي مدري وشو الي انا فيه يعني نايف بجد يحبني هههه مو مصدقه
وصلها مسج (( بكره بتصيرين لي رسمي ))
بدور قرأت الرساله بس ما ردت : ههههههه بجد مجنون
(( يعني مارح تردين ))
بدور : ههههههه لما اصير لك هذاك الوقت برد ..قفلت المسجل ونامت
نايف : يا ربي البنت هذي بتجنني فديتها انا اراويها لما تصير لي ...وهو بعد راح ينام
£££££££
اليوم الثاني الصباح
ابو رعد قاعد يفطر مع رعد : يبه اليوم الناس جايين يخطبون اختك
رعد : ايه يبه نايف قال لي
ابو رعد : زين يبه لا تتأخر على البيت
رعد : ان شاء الله يبه هاه بتروح اليوم الشركه
ابو رعد : ايه وصلني معاك
رعد : تامرني امر
ابو رعد : يلا قوم الحين
رعد : يلا
...
الساعه 12 الظهر وبدور بعدها نايمه<<< الاخت سهرانه
ابو رعد يطق بابها : يبه يا بدور
بدور فزت مثل المجنونه : نعم الحين يبه ..وفتحت له الباب
ابو رعد : يبه ما يصير للحين نايمه
بدور : والله يبه مدري شلون
ابو رعد : يلا ما صار شي بس الحين روحي وصلي ونزلي خلينا نشوفك
بدور : الحين يبه
ابو رعد نزل وبدور راحت تاخذ دش وتصلي
&&&&&&&&
وئام : يمه متى بيكون العرس
ام نايف : والله ما ادري
وئام : يعني قريب ولا لما نخلص السنه هذي
ام نايف : مدري
وئام : يمه شلون ما تدرين
ام نايف : اقول روحي زين خليني اروح اشوف الغداء .. وقامت للمطبخ
وئام قامت مع امها : يمه ابوي هلمره بيظل
ام نايف : مدري اسئليه
وئام : يمه وش كلشي ما تعرفين
ام نايف : ايه لانك ما خليتيني اركز بشي
وئام : خلاص بروح غرفتي
ام نايف : احسن
وئام كانت طالعه الدرج وابو نايف دخل البيت
ابو نايف : السلام عليكم
وئام لفتت لبوها : هلا يبه وعليكم السلام
ابو نايف قعد بلصاله : تعالي يبه قعدي معاي
وئام : عيوني لك
ابو نايف : تسلم عيونك هاه اش اخبار الجامعه
وئام : الحمد لله يبه اليوم بتروحون تخطبون بدور
ابو نايف : ايه يبه وانتي وامك بتروحون للحريم
وئام : جد يبه طيب ما تجهزت ما احد قا لي
ام نايف دخلت : عادي يمديك
وئام : يمه ليه ما قلتيلي
ام نايف : والحين عرفتي يلا روحي تجهزي للمغرب
ابو نايف : هههههههه تو الناس تغدي وبعدين تجهزي
وئام وهي زعلانه : ان شاء الله يبه
//////////////////
وداد : يلا يا بنات ترا والله بروح واخليكم
الهنوف : لحظه يمه ما لقيت اغراضي
وداد : ترا معاكم خمس دقايق اذا ما نزلتو بروح
عنود : يمه
وداد : الي سمعتي انتي وياها ترا خالكم منتظرنا على الغداء
عنود : انا خلصت
وداد بصوت عالي : الهنوف بسرعه
ناصر كان توه داخل : ههههههه وش فيك يمه
وداد : وانت ليه داخل يلا روح اسبق
ناصر : يمه ابي اغير واصلي وبعدين الحق
وداد : يعني تبي خالك بعد ينتظر
ناصر : يمه توها 1 ونص
وداد : وشو .. ونادت بصوت عالي..الهنوف لحقي مع السواق
الهنوف نزلت بسرعه : يمه خلاص نزلت
وداد : يلا وانت الحين تجي تفهم
ناصر : ان شاء الله طال عمرك ههههه
(((((((((((؛))))))))))))
بدور : منال تعالي
منال : وش فيك
بدور :بموت مدري وش اسوي
منال : وش تبي تسوين شوي وعميمه تجي وهي الي بتقلك كل شي
بدور بزعل : طيب
منال:وش فيك زعلانه
بدور شوي وتبكي : مدري
منال قامت لها وضمتها لها : وش فيك
بدور ودموعها مليه عنيها : محتاجه لها كثير
منال : يا حياتي انا اكون امك واختك وكل شي تبيه
بدور وهي تبكي : كنت اتمنى تكون معي بهليوم وهي الي تقلي البسي ذا ولا تسوين ذا منال انا محتاجنها
منال والدموع تنزل من عيونها : قولي الحمد لله هذا القدر وهذا نصيبنا في الدنيا
بدور : الحمد لله
منال تمسح دموعها ومسحت دموع بدور : يلا خلاص قومي وريني فستانك
بدور ابتسمت لاختها : الله يخليك لي
منال : ويخليك لي
//ابو رعد كان يبي يدخل وسمع بناته وهن يتكلمن وضل يسمع كل الكلام لين نزلت دموعه وراح لغرفته ///
££وداد وصلت هي بناتها والبيت انقلب هههههههه££
وداد بصوت عالي اول ما دخلت البيت : بدور منال وينكم
عنود : يمه وطي صوتك يمكن خالو نايم
وداد : انتي انطمي
عنود : ان شاء الله
الهنوف : هههههه اوف
وداد : وانتي بعد
عنود ؛ ههههههه
منال نازله من الدرج : هلا عميمه تو البيت ما نور
وداد : البيت منور بأهله الا وين اختك
منال : الحين تزل
الكل راح للصاله
منال : عميمه ابيك بكلمه
وداد قامت معها : امرين
منال اخذت وداد وراحو للمطبخ : عميمه بدور ..وبكت ...
وداد انهبلت : وش فيها اختك
منال تحاول تهدي نفسها : ما فيها شي بس قبل شوي كانت تبكي وتقلي تتمنى امي تكون موجوده
وداد دمعت : يا قلبي عليها انا بكون امها وامك واكون كل شي
منال : قلت لها كذا بس ابيك تطلعين لها وتفهميها كل شي
وداد : ان شاء الله انتي الحين روحي غسلي وجهك ولحقيني
منال : ان شاء الله
::وداد راحت لبدور وقبل لا تدخل غرفت بدور مرت لخوها ::
وداد طقت الباب : ممكن ادخل
ابو رعد : اكيد يا وخيتي
وداد تسلم عليه : وشلونك
ابو رعد : الحمد لله بخير وانتو اخباركم
وداد : الحمد لله هاه رحت لبدور
ابو رعد : كنت قبل شوي رايح لها وسمعتها وهي تكلم اختها وما قدرت ادخل
وداد : ولو يا اخوي بدور تبيك بهليوم اكثر من اي احد انت ابوها وامها وكل دنيتها
ابو رعد : طلبتك يا وخيتي لا ترديني
وداد : امرني يا اخوي
ابو رعد : ابيك اليوم تعاملين بدور وكأنها وحده من بناتك
وداد : بدور بنتي كل يوم مو اليوم يا اخوي خلاص انا الحين بروح لها تأخرت
ابو رعد : تسلمين
وداد ابتسمت لخوها وطلعت
""بدور شايله هم الدنيا فوق راسها وتبكي ""
وداد دخلت على طول : سلام
بدور ضمت عمتها : هلا عمه..ورمت كل بكاها بحضن عمتها..
وداد :لا يا يمه ما ابيك تبكين هذا يومك
بدور : عميمه لا تتركيني
وداد : لا ما اتركك بس انت هدي شوي ما يصير يمه
بدور بدئت تهدا :ان شاء الله
وداد :يلا يمه روحي وخذيلك دش عشان نتغداء وبعدين نشوف وش نسوي
بدور وخرت من حضن عمتها : ان شاء الله
..نزلت ودادا وقالت لهم يحضرون الغداء ...
الكل قاعد على الطاوله
الهنوف : يمه بموت من الجوع
ابو رعد :بسم الله عليكي يا بنيتي
عنود : ماما وين بدور
وداد : الحين تنزل
الهنوف : بروح اشوف وينها
وداد:طيب
بدور وهي نازله الدرج ومبين على وجها انها بكت : لا تعبين نفسك انا جيت
ابو رعد ابتسم لما شاف بنته : هلا يبه وينك وما شفتك
بدور بعد ما جلست : موجوده بس كنت حايسه شوي
ابو رعد : الله يوفقك يا بنيتي
وداد والكل : امين
رعد : يا الصغيرونه بتتزوجين قبلي
بدور:ههههههه
رعد يستهبل: يبه ابي اتزوج
ناصر : وانا بعد هههههه
الكل ضحك على هبلهم هههههههههههههههههههه
...وكملو اكل وسوالف ...
::بدور والبنات طلعو غرفتها ونوره وامها وصلو بعد الغداء ::
نوره: ماشاء الله فستانك يهبل
الهنوف : اي والله بجد انتي ذوووق
بدور وعنود تسوي شعرها : تسلمون
((عنود تحب تسوي تسريحات وتسوي مكياج مضبوط ماخذنه هوايه بس ))
عنود : بتسوين ميك اب
بدور : بس خفيف مره يعني قلوس وكحل ومسكرا
عنود: اوك
الهنوف : حلو لما يكون كل شي هادئ وعلى الطبيعه
بدور: ايه
::كملو البنات تجهيزات ووصلت سعاد وبناتها و وداد تجهز كل شي الجمعه كانت بس جمعت اهل واهل نايف بس::