الساعه 8 المساء
وصلو الرجاجيل والحريم وكل واحد دخل بابه
وداد : هلا والله بأم نايف
ام نايف : هلا فيكم
وداد : تفضلو
وئام دخلت على طول لغرفت بدور : سلام
بدور: هلا حبيبتي
وئام : هلا فيك وانتو وش تسون
شهد : مستحيل نتركها
مشاعل : وانتي بعد وش تسوي
وئام : والله اخوي المعرس
الهنوف : وئام بيملكون اليوم
وئام :والله ما ادري بس توقعي اي شي من نايف ههه
بدور خافت : لا
مشاعل : وش فيك
بدور: ما ابي الملكه اليوم
شهد : اكيد حبيبتي مارح يسون شي الا بموافقتك
وئام : ايه بدور ما رح يصيرالا انتي تبي
وداد دخلت غرفت بدور : يلا يمه نزلو
نوره : الحين عميمه
وداد : انتو نزولو وقعدو وهي تنزل لحالها
نوره: ان شاء الله يلا بنات
بدور : نوره انتظري انتي ادخلي معاي
نوره : وبعدين ام نايف اعجبها وتخطبني
بدور : هههههههه عادي بس ما ادخل لحالي
وئام : خلاص احنا نازلين
نزلو وقعدو بلصاله الي فيها الحريم
**بدور كانت لابسه فستان للركبه لونه زهري اكمامه طويله شبك شعرها مسدحنه ورافعه النص **
بدور نزلت ونوره دخلت بعدها : سلام عليكم --وسلمت على ام نايف
ام نايف تناظر بدور برضا : هلا وعليكم السلام وشلونك
بدور قعدت : الحمد لله
ام نايف : بسم الله ما شاء الله عليكي الله يحفظك
بدور ساكته ومستحيه وخايفه وكل شي فيها
وئام لاحظت انو بدور متوتره وقعدت جنبها : هاه وين سرحتي
بدور ابتسمت : موجوده بس حسي ايديني
وئام مسكت يدين بدور : وي وش فيك بارده كذا
بدور : مدري
وئام اخذت العصير : خذي اشربي العصير يمكن يرفع السكر
بدور: هههههههه لا تكبرينها
وئام : والله جد لا يصير عندك هبوط وبعدين نبتلش فيك
بدور : ههههههههه
((ديوانيه الرجاجيل ))
ابوو نايف : احنا يا ابو رعد جيناكم طالبين يد بنيتكم بدور لولدي نايف
ابو رعد : والله والنعم فيكم وهذي الساعه المباركه وما رح نلقاء مثل نايف
ابو نايف : مشكور واحنا الي بنشرف بنسبكم
ابو رعد : مشكور وما تقصر يا اخوي
ابو نايف : نقراء الفاتحه
ابو رعد : على بركة الله
::قراء الكل الفاتحه وكان الشباب كلهم موجودين حتى فيصل رفيق عبد العزيز::
ابو نايف : اجل والملكه الاسبوع الجاي
ابو رعد : ان شاء الله
رعد : مبروك يا نسيب
نايف : الله يبارك فيك
عزوز : انضم نفر جديد للعائله
الكل ههههههههههههههههههههه
فيصل : مبروك
نايف : الله يبارك فيك وعقبالك
عزوز: وانت ان شاء الله تنضم للعائله
فيصل بستهبال : لا ما ابي اتقرب منك اكثر هههههههه
الكل هههههههههههههههههههه
ناصر : والعرس قريب ولا بعيد
نايف : بنقرر بعد الملكه
رعد يبي يرفع ضغط نايف : لا تفكر انك بتشوفها بعد الملكه
نايف : وليش ما اشوفها
رعد : اختي وانا حر
نايف : لا والله بتصير زوجتي وحلالي
رعد : ههههههههههه ما احد يقدر عليك
)) طبعا الشباب كانو لحالهم والشياب يتكلمون لحالهم ((
:
:
:
:
ليان وهي تبكي بلشارع : يمه وينك ابيك الله يخليك ردي لي
..الكل يمر ومتعجب من البنت الي جمالها يلفت النظر وصياحها معبي المكان...
ليان تمشي وتدق كل البيبان الي تمر منها : قولولي وين امي
واخيرا بيت فتح الباب : خير وشو له الطق ذا كله ... وسكت لما شاف الي قدامه ...
ليان وهي تبكي : امي امي ما شفتها
ناصر ولسى بلصدمه : هاه
ليان : امي ابيها ..وداخت على الارض ..
ناصر يحاول يصحيها : يا اختي اختي وش فيك
رعد جاه ما عرف ليه تأخر : وش فيك ليه تأخرت
ناصر لفت له : تعال الحق علي
رعد ركض له : وش فيه منو هذي
ناصر : مدري بس تعال شيلها معي ندخلها للحريم
رعد : يلا يلا
((شالونها ودخلوها للحريم ))
ناصر: يمه يمه
وداد : جايه الحين
..البنات تغطو ..
وداد اول ما راحت لهم صارخت : يا ويلي منو هذي
سعاد ونهاد راحو لها لما سمعو صوتها :خير وش فيك ::نفس الصدمه ::من. هذي
ناصر : الحين خلونا ندخلها وبعدين تعرفون
وداد : حطها هنيه
رعد بعد ما حطوها على القنفه: يا ربي منو هذي
بدور لبست وراحت لهم : خير وش في
رعد : فوقوها لا يصير لها شي
وداد : ان شاء الله انتو طلعو واحنا بنكون حولها
بدور : منو هذي
ناصر : كانت تطق الباب ولما فتحت لها قالت تبي امها وداخت
وداد : خلاص يمه روحو
رعد : ان شاء الله عميمه
..رعد وناصر راحو للرجاجيل ..
البنات كلهن وام نايف راحو للصاله الي فيها البنت
ام نايف : خير يا وخيتي وش صاير
وداد والمي بيدها : مدري الحين تفوق البنت وتقول لنا وش سالفتها
وداد رشت البنت بلمي وفاقت شوي
سعاد : يمه عنود روحي جيبي قلاس عصير
عنود : الحين .. وراحت ورجعت بسرعه ..
ليان مسكت يد وداد : يمه وينك ليه رحتي
وداد : حبيبتي انا مو امك
ليان رجعت تبكي بصوت : وين امي ابي امي
::الكل هنا بكا واكثر شي بدور ::
ام نايف حضنت بدور : وش فيك يمه
بدور وهي تحاول تمسك نفسها : ولا شي
((بدور حست بحضن ام نايف وكأنه حضن امها وما تركتها ))
سعاد مدت بلعصير : خذي يا بنيتي شربي
ليان اخذت العصير : منو انتو
نهاد : هدي الحين وبعدين نقلك منو احنا
وداد : بنيتي انتي وين اهلك
ليان حطت العصير : مدري انا من زمان رحت ادور عن امي وللحين ما لقيتها واهلي ما عندي اهل
وداد : خلاص اجل اليوم بتضلين عندنا
ليان شافت الكل لابس وشكلهم اغنياء وناظرت البيت وضحكت: هههههههههه
منال توشوش لنوره : بسم الله وش فيها
نوره مستغربه اكثر من منال : مدري
؛؛الكل استغرب منها ؛؛
ليان وهي تناظر لوداد : تصدقين يا خاله امي كانت تقول لي بيوم من الايام رح يصير لنا بيت كبير وحلو
وداد: انشاء الله يا بيتي
بدور شافت انو ملابس ليان مقطعه وقديمه مدت ايدها لها : تعالي معاي
ليان : وين
بدور ابتسمت لها : بعطيك شي
ليان ناظرت لهم كلهم وابتسمو لها :طيب
..الحريم رجعو لصالتهم وبدور وليان طلعو لغرفتها..
بدور: انا اسمي بدور وانتي
ليان لسى منبهره بغرفت بدور والبيت الي هي فيه
بدور بأبتسامه: ما قلتيلي وش اسمك
ليان : ليان اسمي ليان
بدور: اسمك حلو وانتي بعد احلا
ليان : شكرا
بدور: ليش واقفه قعدي انا بروح اجهز لك المي طيب
ليان : طيب
بدور راحت للحمام تجهز المي عشان ليان تستحم وجهزت لها منشفه
بدور : انت الحين ادخلي تحممي وكل شي موجود جوا وانا بنتظرك هنا
ليان : بس انا ابي ارجع ادور امي
بدور مسكت يدينها : لا تخافين احنا مارح نسويلك شي وانت الحين بتصيرين وحده منا وفينا
ليان : مشكوره
بدور وبأبتسامه كلها حنان : يلا دخلي وخذي راحتك اوك
ليان ابتسمت لها : طيب
ليان دخلت تستحم وبدور جهزت لبس من ملابسها عشان تبدل
نوره وهي داخله غرفت بدور : بدور ام نايف بتروح وتبي تشوفك قبل لا تطلع
بدور : طيب الحين بنزل بس انتي تعالي نطري البنت وعطيها هذي الملابس اوك
نوره : طيب بس نزلي
نزلت بدور
ام نايف : ما ابي هلعيون تبكي طيب
بدور : ان شاء الله خالتي
ام نايف : حبيبتي انتبهي لنفسك
بدور : ان شاء الله
وئام : عطيني التفاصيل بلليل
بدور : ههههه ان شاء الله
ام نايف : يلا بأمان الله
وداد : الله وياكم
وئام وهي تبوس بدور : باي
بدور: باي
((راحو وبدور راحت لغرفتها ما بقى بلبيت الا نهاد وبنتها وسعاد وبناتها ووداد وبناتها شهد ومشاعل راحو قبل لا البنت تدخل ))
وداد : والله البنت هذي قطعت قلبي
وهم بغرور : والله مدري من اي مزبله جايه وتبي ترمي بلاويها علينا
سعاد : اسغفري ربك البنت الله واعلم بحالها
وهم : وانا وش قلت
سعاد : سكتي بس
وداد : خلاص خلونا لما تنزل بدور ونعرف السالفه
الهنوف : انا بروح لهن
عنود : وانا بعد
وداد : طيب بس لا تضغطون على البنيه
الهنوف : ان شاء الله يمه
....
ابو رعد : خير يا ناصر وش فيك وجهك مصفر
ناصر : والله يا خالي مدري وش اقول
ابو ماجد : خير وش صاير احد فيه شي
رعد : لا ما في شي
ابو رعد : اجل قولو وش صاير
ناصر قال لهم بكل شي
ماجد : وما عرفتو بنت منو
رعد : لا
ابو رعد : الله يستر عليها
الكل : امين
عزوز: انا بدخل اشوف الموضوع ..ودخل لمنال طبعا
منال: خير وش تبي
عزوز: ابي افهم القصه
منال: قصه منو
عزوز: البنت الي دخلها ناصر
منال: مدري عن شي بدور اخذتها وطلعت
عزوز: لما تعرفين شي قوليلي
منال: ان شاء الله يلا عطني مقفاك
عزوز: طيب يا منال
منال: هههههههه
نهاد راحت لمنال : خير وش يبي
منال : ما في شي بس يبي يعرف القصه
عزوز دخل الديوانيه
ماجد : مطرود صح
عزوز: اش عرفك
ماجد : مبين من وجهك
فيصل : انت دائما مطرود
عزوز: لا مو مطرود بس قالت عطني مقفاك
الكل ضحك الا ناصر الي من لما شافها وهو سرحان فيها
!!نرجع لبدور والبنات !!!
بدور : هاه حبيبتي مرتاحه بهلملابس
ليان : اكيد برتاح وانا صار لي سنه كامله وانا بذي الملابس وبذي الحاله ..ورجعت تبكي ..
بدور: الله يخليك لا تبكين يكفي صار تحت عيونك محفر
ليان : وش اسوي ما عندي الا ابكي
نوره: الله يخليك ريحي نفسك ولو شوي
الهنوف وهي متأثره : ايه نامي الحين وبكره يصير خير
ليان : وين انام
بدور: هنا بغرفتي
عنود : وكلنا بنام عندك
ليان مسحت دموعها وابتسمت
منال دخلت : هاه وش صار
بدور : ما صار شي انا بدخل اخذ دش واغير ملابسي
الهنوف : وانا بنزل اقول لامي ننام هنا
نوره : وانا بعد
الهنوف : يلا ...ونزلو
منال دخلت وجلست قبال ليان : هاه ارتحتي شوي
ليان : ايه الحمد لله
منال ابتسمت لها: الحمد لله ليه ما تنامي
ليان : بنتظرهم
منال : طيب خذي راحتك
ليان : مشكوره
منال نزلت لعماتها
ليان مع التعب نامت وما انتظرت احد
::بدور طلعت من الحمام وراحت تبدل ملابسها ورجعت لغرفتها لقت ليان نايمه وطلعت للصاله ::
::الكل رجع لبيته الا البنات ::
ابو رعد : هاه يبه كيف البنيه
بدور: والله يبه كسرت خاطري مسكينه صار لها سنه وهي بلشارع
رعد : ما عرفتو قصتها
بدور: لا ما حبيت اضغط عليها
ابو رعد : ايه يبه لا تضغطون عليها
وقطع عليهم صراخ الكل فز وراحو البنات بسرعه لغرفت بدور
نوره: بسم الله عليك وش فيك
ليان بصوت عالي : لاااااااااااا
الهنوف تمسك دموعها : بسم الله خير وش فيك
عنود مسكت ليان من كتوفها : اصحي وش فيك
ليان وهي تبكي : امي امي امي
بدور وهي تبكي : بسم الله عليك وش صاير لك
منال لمتها لحضنها : بسم الله بس يا حبيبتي
ليان تبكي بصوت : ليه راحت ليه
بدورمدت لها المي : بس حبيبتي هدي ورجعي نامي
ليان وقلاس المي بيدها : قالت لي انها خلاص راحت
عنود: طيب هاتي القلاس ورجعي نامي ووكلي امرك لربك
ليان مدت القلاس : بس اهي ما تخليني بحلمي بس اليوم الحلم مو حلو
بدور : ان شاء الله خير
الهنوف : سمي بالله ونامي
ليان هدت شوي ورجعت تنام
منال : يلا تعالو
بدور بعد ما طلعو من الغرفه : بجد مسكينه
عنود: الله يعينها
الهنوف : امين
نوره : خلونا ننزل لعمي الحين بينشغل باله اكثر
منال: يلا
ابو رعد: خير وش فيها
بدور: حلمت بأمها ومدري وش كانت تقصد
رعد : لازم نعرف قصتها عشان نعرف نتعامل معاها
بدور : بكره بيصير خير يبه انا بروح للبنات
ابو رعد : خذي راحتك يبه
رعد دق جواله ورد: هلا نايف
((بدور وقفت لما سمعت الاسم وابتسمت وراحت للبنات ))
نايف: خير شنو قصت البنيه
رعد : والله يا اخوي مدري
نايف: شلون ما تدري كيف تدخلون بنت غريبه للبيت
رعد : يا اخوي لا تخاف البنت مسكينه والله اعلم بقصتها
نايف : وهي وين الحين
رعد : في بيتنا بغرفت بدور
نايف : اها اجل اخليك
رعد : سلام
::::::::
بدور : والله البنت هذي شكلها مررره مسكينه
نوره : اي والله قطعت قلبي
الهنوف : بجد بكاها بس يقطع القلب
عنود : الله واعلم شنو قصتها وقصت امها
منال : كل شوي وتقول امي وامي
بدور : مسكينه شكلها متعلقه بأمها
منال : ايه
بدور وصل لها مسج (( صباحك عسل ؛؛ الساعه 1 بعد النص؛؛ كيفك انتبهي لنفسك وابي اعرف قصت البنيه الي عطيتيها كل الاهتمام )) بدور ابتسمت وسكرت جوالها
نوره : بنات خلونا نطلع ننام بجد بموت من التعب
عنود : وانا بعد بجد هذا اليوم مستحيل ينتسى
بدور : ههههههه هذا عشان لا تنسون يوم خطوبتي
نوره : ههههههههههه بجد يوم لا يُنتسا
منال : يلا دخلو نامو وانتبهو تصحونها
بدور : ان شاء الله بنام بصاله الجناح
نوره : ايه قنفاتك مريحه
بدور : ههههه يلا دخلي
الهنوف وهي تلبس بجامتها بغرفت الملابس : بسم الله عليها حلوه
عنود : ايه. ماشاء الله عليها
نوره : ابي انام عشان يصير بكره واعرف قصتها
بدور : هههههههه تعالي شوفي
نوره وهي تجهز المكان الي بتنام فيه :وشو اذا شي مو مهم خليني انام
بدور : اقولك تعالي
نوره راحت لها: وش فيه
بدور :شوفي وش وصلني
نوره تقراء المسج : رديتي
بدور : لا
نوره: ليه ما تردين
بدور : وش اقول
نوره : اي شي كل مره اهو يرسل وانتي ما تردين والحين صار خطيبك عادي تردين عليه
بدور وهي محتاره : لا ما ابي
نوره رجعت لمكانها : بكيفك انا بنام
بدور وصلها مسج (( بقول لك الخميس الجاي الملكه وانتي للحين ما تردين على مسج واحد))
بدور: نوره لحقي
نوره. : خير وش تبي
بدور: الملكه الخميس الجاي
الهنوف : جد
عنود تستهبل : مستعجل الاخ
بدور : تستهبلين
نوره: وانتي ماعندك شي عادي وش بصير اذا الملكه الخميس الجاي
بدور: من جدك مافي شي جاهز
نوره: عادي بيجهز كل شي نامي الله يخليك وخلينا ننام
بدور: طيب
((الكل نام وبدور ضلت تفكر لين نامت ))
--الساعه 5 الفجر --
ليان صحت على صوت الصلاه وراحت توضت وصلت
ليان رافعه يدينها تدعي : يارب يا الله وصلني لدليل يارب
بدور صحت ولقت ليان تدعي : صباح الخير
ليان لفتت لبدور : صباح النور
بدور : خلصتي صلاه
ليان : ايه الحمد لله
بدور: رجعي نامي لا تقعدين لحالك صاحيه
ليان: يكفيني نوم انا اول مره انام وانا مرتاحه لا احد يقرب صوبي ولا يتحرش فيني
بدور كسرت خاطرها : يا حياتي طيب انا الحين اتوضا واصلي واجي اقعد معاك
ليان : طيب بكيفك ..رجعت لفوق السرير..
((بدور توضت وراحت تصحي البنات عشان الصلاه ورجعت تصلي الكل صلى ورجع ينام الا بدور وليان ))
بدور: قوليلي كيف حاسه نفسك
ليان : الحمد لله بجد انتو مستحيل الاقي ناس مثلكم
بدور ابتسمت لها : طيب ابي بس اعرف قصتك وش الي موصلك لكذا
ليان ابتسمت ورجعت الذكريات فيها لسنه كامله
ام ليان : يمه ديري بالك على نفسك وانتبهي تفتحين الباب لاحد
ليان تكمل عن امها : واذا احد دق الباب لا تردين الا اذا تأكدي منو وانتبهي من الغاز ولا تسوين شي الا لما اجي خلاص يمه والله حفظت كل يوم نفس الكلام
ام ليان حضنت بنتها : يمه انا ماعندي غيرك انتي اهلي كلهم واخاف عليك
ليان باست يد امها : ادري يمه وانتي بعد حياتي الي انا عايشه عشانها واانتي اهلي وامي وابوي وكل شي بحياتي
ام ليان :يلا يمه انا بتأخر على الشغل ديري بالك على نفسك
ليان : ان شاء الله ..وباستني على خدي وراحت لشغلها بمدرسه كانت فراشه وانا قعدت بلبيت مثل كل يوم اقراء قرأن او اتفرج تلفزيون وصارت الساعه 1 الظهر وقت ردتها انتظرت وانتظرت وانتظرت اكثر من ساعتين قلت يمكن الشغل اليوم زياده وبترجع ..ليان تحكي لبدور وهي تبكي .. صار المغرب وهي لسى ما رجعت وانا انتظرها قلت يمكن بتجي قمت وفتحت الباب واتلفت في الشارع اشوف اذا هي جايه بس مافي احد كان بلشارع نمت وراء الباب لسى منتظره. انها تدخل وتلمني لها وتقول لي يلا تعالي نسوي غداء ونظل نلعب بلمطبخ ونقلب الدنيا بس صحيت الصبح وما لقيتها لبست عبايتي ورحت للمدرسه الي تشتغل اهي فيها قال لي الحارس انها طلعت لما خلص الدوام مثل كل يوم ..وزاد بكاها سكتت شوي ورجعت تكمل ... رحت لاقرب مشفى للمدرسه قلت يمكن صار لها شي واخذوها لهذا المشفى بس ما لقيتها طلعت من هذا المستشفى ورحت لواحد غير دخلت يمكن 4 مستشفيات ولقيت وحده بنفس اسمها قالو لي حصل لها حادث امس وتوفت بسرعه طلبت اشوفها قلت اتأكد يمكن هذي مو امي بس لما شفت المره الي دخلوني اشوفها كان كل وجها دم انا ما ادري هذيك القوه جتني من وين وخرت الغطا عنها لين وصلت ليدها وكانت لابسه ساعت امي وخاتم امي ااااااه يا بدور بتقولين اني انهبلت بس انا ما ابي اقول انها امي بس ..ورجعت تبكي اكثر واكثر ..
بدور وهي تهدأ نفسها شوي :بس خلاص ليان الله يخليك ريحي نفسك
ليان ودموعها ماليه وجها : ما ابي اصدق لان امي قالت مارح تخليني بتظل معي طول العمر
بدور: استغفري ربك هذا يومها وهذا قدرك ما يصير الي انتي تقولينه والي انتي سويتيه بنفسك
ليان مسكت بدور من كتوفها: قوليلي وش اسوي الله يخليك ..ورمت نفسها بحضن بدور. ..

.....الساعه 11قبل الظهر ....
ليان والبنات كانو بغرفت بدور وبدور بلصاله عند ابوها
ابو رعد :هاه عرفتي قصتها
بدور: ايه يبه والله قصتها تعور القلب
ابو رعد.: عندها اهل
بدور : قالت لا قالت ما كان عندها الا امها وماتت
ابو رعد : يعني امها توفت
بدور: ايه بس هي ما تبي تصدق ومن يوم ما اختفت امها وهي طلعت تدورها (( وحكت بدور لابوها القصه ))
ابو رعد : بجد البنت هذي مسكينه
بدور: طيب يبه وشلون بنخليها ورعد
ابو رعد : رعد ينزل وياخذ اي غرفه هنا وهي تاخذ راحتها فوق
بدور وقفت وباست راسه : يخليك لي يا الغالي
ابو رعد : هههههه ويخليك عرفتي ان الملكه الخميس
بدور استحت : ايه
ابو رعد وهو يتأمل بنته انها كبرت : الحمد لله اني بزوجك وافرح فيك
بدور : بسم الله عليك عسى عمرك طويل ويومي قبل يومك
ابو رعد: بنت اذكري الله
بدور : لا اله الا الله انا بطلع اشوف البنات
ابو رعد : الله معك
واندق الباب
بدور : جايه ..وفتحت الباب.. هلا والله وغلا
وئام : هل فيك في احد
بدور : ايه ابوي ورعد بعد هههه
وئام : ههههههه خليني بغطاي لين غرفتك
بدور : حياك.. طلعو الغرفه ... شوفي انتي جهزي واحنا بلغرفه الي جنب غرفتي
وئام وهي توخر عبايتها : اوك اخلص واجيكم
..بدور راحت للبنات طبعا وئام بدور قالت لها تجي وتتغدا..
وئام خلصت وطلعت ودخلت الغرفه الي على اليمين : سلام
التفت لما سمع الصوت وتفاجئ لما شاف بنت ولابسه تنوره قصيره للركبه موف وبلوزه بدي ومسدحه شعرها
وئام تفاجئت لما شافت انو الغرفه غلط وظلت واقفه لما استوعبت وقفلت الباب ورجعت غرفت بدور
: يا ربي منو هذا الي شافني اكيد اخو بدور فشله وش اسوي الحين وظلت قاعده بلغرفه
بدور راحت لوئام لانها تأخرت : وش فيك تأخرتي
وئام : هاه ولا شي
بدور : هههه يلا تعالي الكل منتظرك
وئام : يلا ..طلعت من الغرفه وهي تتلفت ...
بدور:مافي احد هنا رعد قبل لا ادخل لك نزل
وئام اصلا خلاص شاف : اها
//ودخلو الغرفه الي البنات فيها //
ابو رعد : يبه رعد ابيك تنزل وتختار الغرفه الي تبي ويجهزونها لك
رعد سرحان يفكر بلي شافه
ابو رعد : رعد وش فيك
رعد انتبه لابوه : هلا يبه بغيت شي
ابو رعد : ابيك تنزل عشان البنت تاخذ راحتها فوق
رعد : ان شاء الله يبه
ابو رعد: خير يبه فيك شي
رعد ابتسم لابوه : لا يبه ما في شي
£££££££££££££
نهاد: يمه ماجد ابيك توديني بيت عمك سلطان
ماجد ومبين عليه انه تعبان : ان شاء الله يمه
نهاد : ابي الحين
ماجد : طيب يمه
نهاد انتبهت لصوت ماجد: خير يمه فيك شي
ماجد : لا يمه مافي شي انا بطلع البس وانتي اجهزي
نهاد : طيب يمه
ماجد خايف على وسن لان صار لها ايام ما ردت عليه ..التفت لامه : يمه
نهاد عرفت انه يبي يقول شي: هلا يمه
ماجد : ابي اتزوج
نهاد ابتسمت : تحب
ماجد تنهد : ايه يمه
نهاد : لما ارجع نتكلم الحين وصلني
ماجد : ان شاء الله
*^*^*^*^*^*^*^*^*^*^*^*^*^*^
وسن قاعده مع اهلها وعقلها مع ماجد
مريم : هاه وش قلتي
وسن: بأيش
مريم: حرام عليكي وسن صار لي ساعه اسولف
وسن :اسفه مريم بس سرحت شوي
مريم : ها وش قلتي نطلع اليوم نغير جو
وسن : اوك
مريم: خلاص بكلم فؤاد ونطلع
وسن : وش رئيك نروح البحر
مريم :ايه والله النفسيه محتاج له
وسن : طيب انا بطلع غرفتي ورديلي خبر
مريم : طيب
##الساعه 6المغرب ##
ماجد اتصل لامه : هلا يمه انا بطلع البحر
نهاد : لحالك
ماجد : ايه
نهاد : خلاص يبه انا برجع البيت مع السواق
ماجد : طيب بتأخر لا تقلقين
////////////////////////
رعد قاعد بلديوانيه مع الشباب وهو يفكر بلبنت الي شافها ومتئكد انه شافها قبل
ناصر : ابو سلطان
رعد : هلا
ناصر : عرفت وش قصت البنت
رعد : لا ما سئلت اصلا من الصبح وانا ما شفت خواتي
نايف دخل الديوانيه : سلام
عزوز يلعب بليستيشن : هلا بلنسيب
نايف : هلا فيك هات العب معاك
رعد وهو واقف :شباب تبون شي اجيبه من داخل
نايف : ايه قول للاهل يجهزون
رعد : طيب .. ودخل .. سلام عميمه
وداد : هلا يمه تبي شي
رعد : عميمه من عندكم غريب
وداد : اخت نايف بس
رعد اها عرفت منو الي شاغله الفكر وابتسم : اها قوليلها تجهز نايف منتظرها
وداد : ان شاء الله
رعد راح للمطبخ يشرب مي : اخيرا ارتاح قلبي وعرفت منو هي
---