بسم الله الرحمن الرحيم
الموقع حديقة الإمارات للحيوانات بأبوظبي
يوم الجمعة 2014/5/23 م
بعدسة فوني القديم
أتمنى ينال على إعجابكم
...
كان يوم الجمعة وعمي كان زايرنا وقتها
ومن طبع عمي ان ما يحب يقعد في البيت >>> وهذا احلى شي فيه هههههه
فقال نطلع نتمشى في اي مكان بس الكل عارض وقالو ما يبي يطلع
فقال لي تعالي انتي واخوج نروح وانا ما صدقت لبست عبايتي ودقيت سلف وطلعنا
عاد هالحديقة قريبة من بيتنا نقدر نروح لها مشي بس تدرون سودانيين مافينا ههههه
وصلنا وبعد قص التذاكر
بدأت رحلتنا ... هذي مجرد مقتطفات لبعض الحيوانات
...
استقبلنا القرد
ببطن خالي وحليله فصرنا نعطيه من العشب مع انه ممنوع
عقب كملنا
ولقينا الكنغر يتضاربون ع الاكل >>> انا اشك انهم ما يأكلونهم
عقب لقينا صاحبة الرقبة الطويلة والسيقان الرفيعة
الزرافة
وفي نفس المكان كان في حمار الوحشي
والغزلان 
عاد هذا الغزال كسر خاطري وحتى من كثر ماهو حزين قال لي
صوريني خلوهم يشوفون حالتي كيف ...
وبعدها لقينا التمساح غدر وشر ... عاد سوي مكان لخوييك حشى 
شفنا النمر قلنا له قوم بنصورك قال لا مابا خليني انام <<< فما كان لي الا اصوره وهو بحالته
اما هذا عاد قال يلا صوريني بسرعة قبل لا تخترب الكشخة << خف علينا يالجنتل مان هههه
بعض الحيوانات طلعت لنا وبعضها يقال انها مستحية وما طلعت <<< شفنا الفهود 
بعدها وصلنا لعند ملك ****** بس الي شفته قررت اني اسحب عنه اللقب عاطنا ظهره وما طالعنا وما عبرنا حتى ونافخ كشته وحالته حالة بس انا حللت الوضع وقلت يحق له يسوي جي مو هو الملك << 
بعدها شفنا النعامة وهي معصبة مدري شو بلاها 
عقب رحنا صوب الطيور ولقينا طاوؤس شاردة 
قلنا لها انزلي الله يهديج انزلي خلاص بقول لهم يحطون لج جناح خاص بس مو راضية الا تبي تنتحر << بكفيج حبيت اساعد بس 
هذا الطير شكله بريء بس ما اتذكر والله شو اسمه 
عاد هذا الطير أمووت فيه لونه يجذبني ووقفته رشيقة الفلامينغو 
اخر شي شفنا السلاحف هذيلا الاثنين يتضاربون مأدري منو الي عليه ديون ومنو الي قاعد يقاضيه << 
وهذا معصب يقول لي شو تبين انتي تطالعيني ومنو سمح لج تصوريني ها << هههههه 
الحديقة وااايد حلوة واستمتعت فيها واااايد بس شكله الحيوانات ما عجبهم زيارتنا كل واحد معصب وحالته حالة ههههههه ان شاء الله يكون رحلتنا البسيطة نالت على إعجابكم 
نقطة انتهى 
ღ...إمبراطورة البحر...ღ