من صغري و انا احب اقرا مشاكل الناس
كان فيه صفحه في المجلات يرسلون الناس للمجله مشكلتهم
و المجله تنشرها و تكتب لهم الحلول

و مع كل مشكله كنت اتخيل نفسي فيها ، و كنت احللها
و كيف بتصرف لو كنت مكانهم ،،

مشكله من المشاكل .. كنت كل ما اقراها احس بخوف و اشمئزاز بنفس الوقت
كانت المشكله تتكرر قدامي كثير سواءً ايام المجلات او المنتديات
و كنت ادعي ربي " الله لا يحطني في هذي المشكله "

و ربي كتب لي اقع في هذي المشكله ،،
وقت حدوث المشكله كان يجيني تأنيب ضمير ، ليه و ليه ،،
لكن الشيطان شاطر ،

بس سبحان الله ، ربي أَنَار لي بصيرتي ،،
الحمدلله

حبيت نفسي لما تجاوزتها بكل قوة ،،
ربي اعانني عليها ،،
دعائي لنفسي ما راح هدر

قد ايش ربي يحبنا ، يبي لنا طريق الخير ،، و احنا اكثر الاحيان نتجاوزه
لكن الله رحيم بنا يرشدنا و يبين لنا الطريق الصح
فتّح عيونك زين و تشوف الخطأ و تتجاوزه
و تشوف الصح و تميزه و تسلك طريقه