^








مرحبآ بك آم عبدالعزيز
لن احكم ع تصرفك ( المكأفاه ) بإنه خطاء ولكن فكري فيها شاب لم يتجاوز 17 من عمره
ولديه حساب في البنك ؟!
انتِ م تخافين ع ولدك يقول لاصدقائه عن حسابه الي فالبنك ؟
ويحاولون ينصبون عليه بطريقة او يدخلونه ف بلاوي المخدرات يبيع ويشتري ؟ يستغلونه
مش معناته حافظ القرآن خلاص منزاه عن الخطآ !!
القران يحتاج الى تشجيع ع التطبيق قبل تشجيع المادي !!
تقربي من ابنك وتفاهمي مع زوجك !!
وحطي فبالك مافي اب يكره ابنه ؟؟
الي سواه زوجك تصحيح لفعل كان يراه خاطئ من " وجهة نظره كـ أب "
حاولي تتكلمين مع زوجك وتفكرين قبل لاتكلمينه " بسؤال نفسك م قمتي به هل هو صحيح اولا
فتح حساب لشاب ف بداية عمره ؟ فكرتي تشجعينه بطريقة إيجابية لكن م خفتِ هالتشجيع يكون له آثر سلبي ع مستقبل ولدك
" زوجك" هو ابوه مب عدوه وتهمه مصلحته ويخاف عليه !!
تكملي مع زوجك تشاورو اتفقوا قبل لاتسون اي شيء يخص ابنائكم "
حتى لو انتِ الي تصرفين ؟؟ ولاتفكرين بالطلاق وتزيدين الطين بله ..
اصبري لاجل ولدك وبناتك وانصحي ولدك وجهيه فهميه ان هذا ابوه ويحبه ويخاف عليه
وان فلوسه محفوظه عندك إذا هو يبي يطلبك وانتِ م راح تقصرين معه ..
مهما زوجك كان قاسي ونذل مع الدعاء والاستغفار ربي يصلح الحال ~
الانفصال مش هين فكري إذا فيه أسباب مقنعه مثال كان زوجك يتعاطى مخدرات يضربكم ع الطالع والنازل !
الحياة الزوجية مشاركه فكل شيء ودامك رضيتي تتحملين مسؤولية المصرف ,, ف اصبري
كذا كذا انتِ دافعه بس حاولي فيه يساعدك في المصرف او انتِ الزمي ايدك شوي وإذا بناتك طلبو فلوس
قولي كلمو ابوكم , احتاجو طلبات للمدارس +ملابس > كلموا بوكم .

المهم لاتبينين لابنك وبناتك انك ضد ابوهم وتصرفاته مش عاجبتك !!
ناقشي زوجك بينك وبينه ولاتتكلمين عليه عند ابناءك حاولي تحلين المشاكل بينك وبينه
وعليك بالدعاء والاستغفار وشيلي فكرة الطلاق من راسك حتى لو كان هو مش متحمل مسؤوليتهم وحكمت لك المحكمه انك تاخذينهم راح تتعبين مافي الانتِ وهم عارفينك وخصوصآ ولدك الكبير : عارف انك مدللته وم راح ترفضين له طلب ~وهو بمرحلة يحتاج فيها لشدة شوي ولدك يحتاج لتشجيع معنوي اكثر من مادي
تعوذي من ابليس : وحطي ايدك بيد ابوه تكلمي معه انه ولدنا فخر حافظ لكتاب الله وبدال لايضربه يخاويه ويشد عليه اوقات يحتاج فيها لشده ينصحه يوجهه يدعي له ..

بطلي عناد ولاتكابري و لاتتكلمين فيه عند ابناءه ولاعند اخوانك ..
تقربي من زوجك وحاولي تقربينه من ابنائه ,, وراجعي نفسك مرة وثنتين وعشر
المراة إذا عصبت من زوجها م تشوف محاسنه كثر عيوبه ..

زوجك يحبكم ويخاف عليكم كيف بطريقته هو ؟؟
والرجل ع ماعتاد عليه إنتِ عودتيه ع انه انتِ "الصراف الالي " فالبيت
حاولي تغييرين هـالشيء وخليه يتحمل جزء من المسؤولية كـ ما ذكرت لك اي بنت تطلب منك شيء قولي لها روحي لابوك


والله يصلح حالكم ~