شعر و معنى جميل

من روائع الشعر

’’’

يخطي الخطا غيري وانا فيه مقيود
وش زلتي ياوقت شنهو خطايا ‏
لحول ياقلب على الشين محدود ‏
منصوب نيشان لضرب الرمايا ‏

للشاعر الكبير

محمد بن عبد الوهاب الفيحاني

من روائع الشعر

هويت الشعر من عصر الطفولة
ونشبت من المحبه في وريده

***
وهو بادلني الود وتعهدلي
أنه مايخلي له شريده

***

وسلم لي مفاتيح القصايد
وقال الشعر فيدك وانت فيده

***

نعم تستاهل اتسمى مميز
وتاج الشعر تاجك ياعميدة

***
فقلت اخجلتني ماذيب مدحه
آخاف اغتر وتسير تعويده

***
انا قبلي فطاحلة القصايد
تجيك ابياتهم جزله مفيدة

***
بعضهم لاهداه الله وغنى
يليّن بيته اطراف الحديدة

***
يجيب البيت فيه الفين معنى
وازيدك شاعر ويسوى بديده

***
وأنا مانيب لاتالي ولا اول
أنا شاعر ويشهد له رصيده

***
انا ماهمني والله شهرة
لجل تلفاز ولا في جريدة
***
ولا همي بعد لاقلت بيتي
تقول الناس عيد البيت عيده

***
انا قصدي فقط بعض الخلايق
اُناسٍ عاشت الدنيا بليدة

***
تجنب عن طريقي قبل لازعل
وابادل من مشى بالكيد كيده

***
وصلت اقصاي ماعاد اتحمل
فمن احذر فقد انذر كنيده

***
وانا حذرتهم لحدٍ يعاند
ويفطر عينه من الزود بييده

***
نصيحه يابليد ارفق بنفسك
ترا عندي لك علومٍ جديدة

***
لاتتعب نفسك بنفسك وتجهل
تفاخر عندك أن نفسك عنيدة

***
نصيحه : هد روحك لاتزايد
وركد فوق راس بليس حيده

***
فكانك تحسب انك راس همي
فلنا بسيد الشعر ولنته بسيده

***
الووم الناس واثر الناس مثلي
تلوم اللي تردا عقب جيده

***
لكن باغيّر الموضوع منك
مدامك صرت يالطارد طريدة

***
مدام انّي على نهج افتخر به
فأنا ماهمني سيدك وسيده

***
أنا شاعر مفكر لي اسلوبي
طموحي للمواضيع الفريدة

***

للشاعر الكبير جدا

صالح آل مانعه

قصيدة من الفرائد والروائع
عيد كل بيت ألف مرة
عيده

’’’

هنا

الختام
مع القصيد
من العيار الثقيل

هكذا حُسن الخواتيم

الله والله



ألقاكم على سعادة

،،،
بون نوي