02-28-20, 04:50 PM
| #1 | ||||||||||||||
 
| 
بعيش بدوني ونساني انا قررت اخليني واسافر وبتعد عني ولا اسأل على حالي وخلي روحي بروحه عشان اعيش في دنيا بدوني بخير متهني وخلي حالي بحاله يداوي بروحه جروحه واقول الشعر وتراقص على القيفان واغني وطنش كل شي حولي وروح اركب على ارجوحه واذا ضاقت بي الدنيا شسوي وقتها يعني ابقطع تذكره طوالي واسافر الى الدوحه بنوخ في قطر ركبي ولابي حد يسألني علامي جيت؟ مدري والاجابه ماهي مسموحه كأني بالحكي مجنون؟ اي واللي مجنني كلام الناس مايرحم ومنه النفس مذبوحه قسم بالله يالجادل بجوفي حزن يقتلني احاول اكتمه لكن دموع العين مفضوحه سهير الليل دون اسباب مدري وش مسهرني كأن قلبي بعد ماكان امير تحطم صروحه ودايم خاطري مشغول مدري ويش مشغلني وحرفي مختنق مدري علامه مختنق بوحه اذا جيت انسى احزاني شعاع الشمس ذكرني ونجم الليل والقمره وحتى الغيم وسفوحه وحتى صورتي فيها اسى لو جيت اناظرني تفاصيل الوجه من كثر مابي هم ممسوحه انا والله يالجادل صغير السن لكني من اللي بي تعب قلبي وشيبي بان بوضوحه ثلاث سنين يالجادل وعشر وعشر ذا سني ولكن لو تشوفي كيف وجهي باين شحوحه انا ماقد اذيت اي حد ولا تأثمت في ظني طوال العمر انا ولازلت طبيب اللي شكى جروحه بقلمي ابوالليل الشريف 28/2/2020 | ||||||||||||||
| |
| مواقع النشر (المفضلة) |
| |
 | أصدقاء منتدى مسك الغلا | | |||||
