بتذكرني : مهو هالحين تذكرني
بتذكرني.. اذا صار السهر عاده

وصرت تسامر ابياتي وتسهرني
لحن حمدي بليغ وصوت مياده

وتبكيني .. نعم والله وتذرفني
دموعٍ ... كنّها الجمر وتوقّاده

وتعرفني : مهو هالحين تعرفني
بتعرفني : إذا صار العمر ساده

بعد ما كنت تتقهوى وتشربني
عن المر بحياتك سكر زياده

انا : لا يمكن اكره: كان تكرهني
من اللي يكره البارق ورعّاده

زرعتك حب في صدري : وتزرعني
مشاريه وعتب بشفاه نقّاده

فـ امان الله لا اكسر فيك واكسرني
ترى الحـب النزيـه إيمـان وعبـاده !





* عتيم ..!




.

.






















انا الذي .. ثلثينه الساكت :كلام
لا : بل قصيدٍ ما يفارق مطرحه

بيني وبينه ليل ما يعرف ينام
يعاتب جروحي سهر واستسمحه

يشفق علي من العواذل واللئام
وانا عليه اشفق من اهل المصلحه

يحب يخلو بي بعيد من الزحام
وانا لو اشره ما عرفت استنصحه

مواجع : وفكره حزينه : وانقسام
وقلبٍ حفيف الصوت يمكن يجرحه

يصفح عن اعداءه على شان السلام
مثل الخطا اللي من صديق ويدمحه

لانه انبل حيييييل من فجر الخصام
لو تزعله عمر ....... بعذر قد تفرحه

لكن لِيَا شم الردى والشر حام
ذخايره كفيه ...... والزند اسلحة

ولّا انت ياللي جيت لك حب وهيام
خطاك كيف آصـوّبـه وآصـحّـحـه

حاولت اقول انّي رغم مابي تمام
وانا ورا جدران صدري مشرحة

وطيرت لك رغم الجفا روحي غمام
هـذا وانا مكسـور خــاطر واجنحة

لكن ورب الضي : واحزان الظلام
انّي دفنت البارحه في مسرحه

......................................!!
رهبة رجل مومن تذكّر الاضرحة





* عتيم ..!




















.

*

مساء الخير :
وكل عام وانتم بألف خير ..




اتذكر قبل كم سنه
ان هناك مجموعة من الزملاء الشعراء
اضافوني معاهم في قرورب للشعر على الواتس
وكان هالقروب مختص بالسجال الشعري
والمحاورات وبقصائد النظم
وكان كل ما اضافوني احذف الاضافه
ويرجعون يضيفوني وعلى هالحال
وفي آخر مرّه سلّمت للامر الواقع
وجلست معاهم

فكتبت قصيدة فيها غرور
من باب المداعبه فقط
اذكر منها كذا بيت



سلام ..... للشعّار والمستشعرين
من شاعرٍ ...... ما يلتفت لولا الحيا

في خاطري يا اصحابي المتواجدين
بـيـتٍ علـى قـلـبـي تـمـادى وبـغـيا

انتوا هنا : مـثـل الصحـابة في حنين
وانـا هـنـا : مـثـل الـرســل والأنـبـيـا

قـلـت الصـحـيـح اللي تبرهنهْ السنين
لا احـدٍ يـقـول اخـطـيـت خلّـوها هيا

الى اخره .........

وكانت ردات الفعل جميلة وقوية
ولكنها ما تحضرني والله


على العموم انا ما عندي سالفة
فقلت اشارككم بهالكم بيت

طبتم


..

*


سأخبركم بأمر :

لا احد منّا يستغني عن الكلمة الطيبة
ولا عن التقييمات الجميلة والمريحة للنفس
كلنا بحاجة للإنصاف
للإلتفاتة النبيلة الصادقة

..

ورب الشمس : ان التقييمات
التي وصلتني : اثلجت صدري
رغم انها كانت اجمل بكثير مما يقدمه العتيم
لذا : شكرا : شكرا عملاقة من القلب
اي لافيو للجميع

..

*

اخونا العضو ( رايق )
تحدث في تدوينته الاخيره عن والدته
وانها تعاني من ورم سرطاني في الحلق
دعواتكم :
بأن يمن الله عليها بالشفاء العاجل
وبتمام العافية ودوامها
وايضا دعواتكم لاختنا العضوه ( امل )
بان يمن الله عليها بالشفاء العاجل
وبتمام العافية ودوامها

..
اسأل الله العلي العظيم
الذي امره ( كن فيكون )
والذي امر عباده بالدعاء : ووعدهم بالاجابة
ان يمن عليهما بالشفاء العاجل
وبتمام العافية ودوامها
وان يجمع لهما بين الاجر والعافية
وان يمدهما بالصبر وبالثبات وبالرضا
..
وان يشفي كل مريض ويعافيه
والحمدلله رب العالمين حمدا كثيرا طيبا مباركا فيه


..

*




علـى الطاير !




انا : قَــدلِي ثـلام اعـوام يفهـقنـي
حنيني للـقـاء .... والنّـاس نـقّـادة

اعيش المجتمع : والشوق غرّبني
بـعـد مـا كـنـت له تـاريـخ مـيـلاده

غريبـه كـيـف يـعـرفنـي ويجهلنـي
وانـا روح الـقصـيد ورايـة امـجـاده

والاغرب وين صار: وكان مُلهمني
شعور : يشوفـه اوّل وآخر اعياده

مـَ اخاف إن عاذلي لَـ اشتقت يلمحني
ولـكـنّـي اخـاف اشـتـاق بـزيـادة

غـريب بكـل حاجـاتـي وتعرفنـي
غـريـبٍ ينجـرح حـتـى مـن بـلاده



* عـتـيـم !!


.