كيكة التمر بالنسبة لي رفيقة الشتاء ولها ذوق مختلف مُرتبط بالشتاء، لكن مايمنع نعملها بالصيف لانها حرفيًا لذيذة وتتناسق مع القهوة العربية بالذات بسبب وجود الهيل والتمر من ضمن المقادير، طعمها لذيذ جدًا وقوامها خفيف وهش بشكل كبير والأهم والاجمل انها خفيفه ماتحس انك اكلت شي دسم او ثقيل مثل بعض الحلويات ..
أغلب اللي ذاقوها طلبوا مني اعطيهم الوصفه من لذاذتها وجمال طعمها،
جربواها واكتبوا لي رايكم !.


نبدأ بالمقادير :

- نص كوب زيت.
- نص كوب سكر.
- 3 بيضات.
- كوب تمر منزوع النواة منقوع بكوب ماء ساخن (ثم نهرسه).
- نص م / ص ( هيل ، قرفة ).
- كوب ونص دقيق.
- 1 م / ك بيكينج باودر.
- رشة ملح.

الطريقة :

1- نخلط الزيت مع السكر ثم نضيف البيض ونخلطه حتى
تبدأ الفقاعات تطلع ( هذي الخطوة مهمة وهي سر انها تكون هشه ).
2- نضيف التمر المهروس والهيل والقرفة ونخلط.
3- نضيف الدقيق والبكنج بودر والملح ونخلطهم
( مانطول بالخلط نكتفي بان الدقيق يختفي ).
4- نجهز قالب مدهون بالزيت ورشه بالدقيق ونضيف فيه الخليط،
و ي فرن حامي على درجة حرارة 180 من الاسفل لمدة 45 دقيقة (تقريبًا)
إذا استوت نشغل الفرن من فوق تتحمر.

- للتزيين : كراميل، وبالعافية .

الله يعافيك ويسعدك.
أسعدني حُضور المُميز كعادتك.
شكرًا على الختم والتقييم .
أنرتِ.

الله يسلمك ويسعدك .
بالضبط،
أحيانًا تصير لما ماتعجبك اكله،
وتجربيها بمكان وتغيري رأيك فيها.
فعلاً أتمنى تعجبك.
أسعدني حضورك عَزيزتي.
أنرتِ .