ونختم الويكند ببيت يتيم
//

ما تشابه للمعاني لو تجمع الف لفظ
‏فرق ما بين السموم والهوى لاهب نود
#الدكتورة

يااااا مساااا الورد والسعادة
//

من فترة لدي عدد من المواضيع ودي اطرحها ومعلقة


من
الوقت الزايد فعلا


ذي الأيام
أنتظر حسم أمر ما تجاه الرسالة

حقيقة
اتلهف لهذا الحسم

لكن
خواتي ما قصروا
اللي بعثت بنتها للتدريس

والثانية
بعثت ولدها


الحين
مش لو فاتحة مشروع تدريس خصوصي
كنت شريت الكوخ منذ مبطي


اهنيهم صراحة لاقين خدمات مجانية

هلا والله بيلدز يا مسااااا الجمال كله
نورتي مدونتي

خلني أقول شي
جدا علاقتي قريبة من عيال خواتي وأخواني

لكن
بصراحة
ما كانت مع بنت أختي بذي القوة المحكمة
بنتها بثالث ابتدائي
دام مغامراتها
وميولها
و و و
محط اهتمام من قبلي
والله أحيانا أبي اخلص السوالف عشان نلتفت للدراسة
لكن
لما اشوفها مسترسلة وبحماس
ابدي
تفاعل معها

//

أما ولد أختي الثانية
ذي بنهاية المرحلة الإعدادية
لااا ذي من قبل حنا أصدقاء
لدرجة أمه تقولي محدن بيخربه من الدلال غيرج

كصيغة مبالغة
الموضوع برمته لا يتعدى
عن اختلافي معها
على
مبدأ الثواب والعقاب

أنا ضد العقاب
هو فديته عاقل لكن مثل أي طالب بعمره
المعلم مشتكي عند أبوه
أنه أحيانا يسولف

بصراحة
بعد المعلم سالفة

دايما اقول عطوهم فرص للحديث
اشبعوا رغباتهم بوقت راحة بسيط لو خمس دقايق

لكن
ولا كلمة
أنت والكرسي واحد


يتملل


حقيقة
نحتاج لإضفاء مرح على الجيل الحالي ليحب العلم

ليُقبل عليه

هو يحب بعض الحصص وتكلمت كثيييير بمدوناتي السابقة عن ذي الموضوع
المعلم الفنان
له
ڤن الجذب لا التنفير

//

المهم
الله يوفقهم بامتحاناتهم القادمة

وحقيقة
لاحظت تطور فكري جدا عجبني بولد أختي
من ناحية ثانية لاحظته يطرح مواضيع توقفت عندها
كثير تحتاج نقاش وأخذ ورد الجيل القادم فيه الكثير من الجمال
بس
نفهمهم