..








صباح الفل

اشوف فيه تطورات بالمنتدى

صار يطلع تحت المشاركه الاعضاء اللي حطوا لايك على المشاركه

حلوه الحركه حبيت







..

..







معلومه عني اظن كثير ما يعرفونها

ما احب اقضي اليوم كله برا البيت وارجع على اخر اليوم

خلاص يكون ماعاد فيه وقت اجلس مع نفسي

مره احب الوقت اللي مع نفسي

لو حتى البس السماعه واسمع شي واناظر السقف

امس كنت من العصر برا البيت ما رجعت الا الساعه 11 تقريبا

ولا قدرت اقضي وقت مع نفسي

قعدت افكر الناس اللي يداومون طول اليوم

يا دوب لما يرجعون البيت ينامون وثاني يوم نفس الشي دوام

متى يجلسون مع انفسهم؟








..

..











صباح الخير على الجميع

يومكم سعيد يارب

الموضوع اللي متصدر حديث الناس هالأسبوع

جدري القرود

اشوف في كل مكان يتكلمون عنه

وبدأ ينتشر في دول العرب وكثير ناس متخوفين

انا زمان وانا طفله جاني العنقز اللي هو جدري الماء

بس هذا حق القرود مدري من فين طلع فجأه

تتوقعون يصير وباء زي كورونا؟

ولا وسائل الإعلام يهولون والموضوع ما يستاهل










..

..













يا ربي ع الحنيه

مره حبيت الصوره فعلا يا زين البنيات








..

..









" أحـدهم يراك هامِش و الآخــر أمنية ."







..

..






صباح الخيرات على المارين

هالكم يوم ماخذه وضعية المتفرج اللي يناظر الرايح والجاي ولا يشارك

توني من يومين شفت موضوع في قسم المشاكل عن التنمر

هاذي آفه منتشره بشكل مخيف في مواقع التواصل

والله بدون مبالغه اشوف التغريدات في تويتر اغلبها تنمر

فيه وحده مشهوره تزوجت قبل اسبوع اشوف البنات كيف يتنمرون عليها

يقولون شكله زوجها اصغر منها، شكلها عجوز، و.. و... الخ

وهالكلام نسمعه في مجالس الحريم في الواقع بعد!

هذا تنمر صريح وتجريح كمان واعتراض على نصيب هالادميه

ليش ما نتعلم كل واحد ينشغل بنفسه ويخلي الخلق لخالقهم مو احسن؟

انا لهالسبب ما احب مجالس الحريم أبدا

اشوف صديقاتي بين فتره وفتره والحمدلله مجلسنا ما فيه هالسوالف

نستانس بعدها كل وحده ترجع بيتهم

الحياه اقصر من اننا نقضيها في اكل لحوم الغير والتعييب في اشكالهم وارزاقهم والقائمه تطول

وكثير ناس سواء رجال او نساء ينفرون من المجالس والمناسبات الإجتماعية بسبب التنمر والتلقف

مدري لوين بنوصل

هذا الواقع لحد يقول اني بالغت







..