اعاند القلب واثر القلب مايصغي

يفكر بأشياء وانا ماودي يفكرها

ان كنت ياقلب ناوي علي تطغي

فما لي ترى غير ربي يدبرها

إشعلي النار في قلبي واحرقيه

اليـــن يصبـــح كالرمـــاد المنثر

وان كان هذا الشي نفسك ماتبيه

وانك تحبين الخــــفوق المبــــعثر

خـــذيه منـــي انا ماعاد ابيــــه

اخذيه اخــذيه وحبــــيه أكـــــثر

ودي اسافر عن الاحزان واتغرب

الين القى بغيتي وارتياحي

منهو من الناس قد جرب

ابيه يعلمني بإيضاحي

مدري على مصر ولا على المغرب

ولا اروح لديرت(ن )مابها صاحي

ابي اسهر مع الناس واطرب

اللين تزول من قلبي جراحي

ارحبي يا هموم وعجلي بالنكد

والله اني لشيلك في فؤادن رحيب

خاطري يوم ابسلى بس مابه احد

يرعى مشاعر حزين(ن) في حياته غريب

السعد وين اشوفه وين اشوف السعد

ويبتعد عن عيوني لا من رأيته قريب


وش تبي يازماني لو عطيته وعد

وش تبي لو خذلته و للمواعد اغيب


ياإلهي رجوتك يوم كلن رقد

ترحم اللي تركني وكان عندي حبيب

لا تضيق الصدر وتزيد العذاب

ونفسك عزيزه على معشوقها

حاول تدور للسعادة الف باب

والشمس تعطينا أمل بشروقها

ان ماهمتك نفسك يهمونك احباب

اللي تزايد محبتها وزايد شوقها

لا يهمك شخص ينعق كالغراب

والبضاعه الفاسدة ميت(ن) سوقها

أدخل على الله ياحبيبي تمهل

لا تجرح القلب وتزيد تعذيبه

ان كان لي خاطر حبيبي تجمل

واترك البعد والهجران والغيبه

ابسألك ياحبيبي يوم انت ماتسأل

ضميرك الحي هل يزعجك تأنيبه؟؟

الله يعين القلب دامه عاش يتحمل

مشاعر النفس والافكار والريبه

يارب فانت العزيز القادر الاجمل

وانت الذي تعلم الخافي وتدري به

انك تعلمني بما كنت له اجهل

ولا اشوف بعين من حبيتهم خيبه