|
لمسة شقاوه ..... السلام عليكم ورحمة الله وبركاته وعلى بركة الله نبدأ ..... مير الله يسلمكم اجيبها من الاخير لاني فاشل بالمقدمات فشلا عميق << سلكو لي ادخل على طول وعرفكم بنفسي للي مايعرفن الزبده اسمي / ناصر والعمر داخل 22 << العمر كله يارب مواليد عنيزه ادرس بجامعة القصيم خلون اعرفكم اكثر بنفسي انسان خبل واصدقائي ماخذيني على اساس اني انسان دلخ خخخ علشاني اسكت لهم عن كل شي يسوونه لي مستغلين طيبتي <<مناك بس احب الشعر...النوم ..السفر ...السوالف ..اقربائي ..الفله والوناسه احب العالمي ( نادي النصر ) اكره العصبيه .. الفيزياء ...المجاملات ... لوني المفضل . الرمادي اليوم الجمعه الثلاثين من شهر ربيع اول 1443 وبس |
نسيت اقولكم احب المخيمات بالشتاء وطلعة البر والدنيا ممطوره وشية النار وحنا حواليها والقهوه المبهره على النار بحطب الارطاء ولا فيه نفس ثقيله والسوالف من واحد لواحد وتنسى اللي وراك وقدامك ---- ادعو ان الله يسقينا السيل |
يقول بن جدلان اهل الفلوس تحب الشاهي المر عشان دنياهم حلاها زياده ولا الطفارى تدبغ الكاس سكر تبي تخفف به مرارة النكاده مساء الخير واحد شاهي وادبغ ابوه سكر |
وحده تقول قلنا لولد عمي خلاص ودنا نتغطى عنك لانك بتروح الثانوي :105: قال اصبرو يمكن اسقط |
لو بحثت عن صديق فلم تجده ...فتاكد انك تبحث عنه لتأخذ منه شيئا ..... ولو بحثت عنه لتعطيه شيئا .... لوجدته --- صديقك المقرب ....... هو من تألفه نفسك وعقلك ويبادلك الصفاء والمحبه .... |
نحن نكتشف الجيد ...فننبهر به ...وقد ننحني له ونكتشف الرديء ...وقد نجامله اذا كان يخدمنا ... لكن ان كل مايدور في اذهاننا ...وما يعتل في صدورنا ... ليس بالضروره شي يخضع للاكتشاف احيانا يكون هذا الشي ..خاضعا للتجاهل وتلك احدى حقائق الانسان المزدحم بالمتاعب وبالطموح معا |
فكم نصيبك منه ؟ قال ابن تيميه رحمه الله ( القران مورد يرده الخلق كلهم وكل ينال منه على مقدار ماقسم الله له |
سبحانك اللهم وبحمدك لااله الا انت سبحانك اني كنت من الظالمين |
قبل اسبوع ( البير ) حق المزرعه خرب علينا وحاولنا نصلحه وماقدرنا وبلشنابوه خخ مالكم بالطويله الموهم جبنا حفار يصلحه وعلشان بس يوقف عند البير بالف ريال وقلنا يلا عطنا الماء المزرعه محتاجه واشتغل الحفار وبعد يوم اعترض الهيب بالجبو خخ. وش هالحظ وكلم ربعه وساعدوه يوم كامل وبعدين كمل شغله وما خلص الا امس العمليه مكلفه وتاخذ وقت حنا جبنا وايتات ماء تلك الفتره نسقي مزروعاتنا الخبره هي اللي اسرعت باصلاح البير واتضح المشكله بالغطاس خربانه المراوح واخينا بالله جايب الحفار خخخ |
*عجائب الأم السبع*:�� 1-الجلوس بقرب أمك نصف ساعة يعادل 6 جلسات عند طبيب نفسي متمكن . 2-علمياً الأم تصدر موجات حميمة عند احتضانها تجعلك أكثر تفكراً وأستقراراً وأكثر اندماجاً مع من هم حولك . 3-الأم هي الكائن الوحيد الذي يحتوي على جهاز استشعاري تنبؤي في حالات سوء القدر فلا تتعجب إذا منعتك من الذهاب أو الخروج حتى وإن كان للتنزه . 4-علمياً" عندما تضع الأم يدها على موضع الألم في جسدك فإنه يتماثل فوراً بالشفاء ولو نفسياً . 5-الأم وحدها القادرة على افتدائك بنفسها وإن لم يستدع الأمر . 6-الأم قادرة بدعائها أن تغير مسار القدر إليك . 7-الأم هي الكائن الوحيد الذي لا تستطيع أن تزيّف شعورك أمامه حتى باستخدام الخدع والحيل . حفظ الله جميع الأمهات �� ورحم الأمـ.وات منهن �� |
 |
امسينا وامسى الملك لله اللهم ماامسينا به من نعمه او احد من خلقك فمنك وحدك لاشريك لك |
مساءكم رضى من الرحمن :MonTaseR_11: -------- زميلي بالجامعه قلي حكايه حصلت الاسبوع اللي طاف بالحي واحترت شلون هالشي يصير ؟؟ هذا من وجهة نظري مالكم بالطويله .. الموضوع باختصار فيه شاب تقدم لناس شرواكم وخطب بنتهم متخرجه من الثانويه ووقفت دراستها لانه ماانقبلت بالجامعه وعمرها تفريبا 19 وكانت صديقه لاخوات زميلي الموهم الام والبنت والخالات والعمات موافقين الا الاب ؟؟ الشاب موظف وكفؤ ومن عائله محترمه ماعليه شبهات وملتزم دينيا حاولو فيه ورفض طبعا الموضوع له اسبوع فقط ومابعد تبين شي لسبب الرفض ---- عاد انا اسأل ابو البنت ؟؟ وين حديث الرسول صلى الله عليه وسلم ( اذا اتاكم من ترضون دينه .. الخ فزوجوه الحين الشاب الكفو عمله نادره بهذا الزمن الا من رحم ربي يحوز الاب عنده وجهة نظر ؟؟ الايام تكشف لنا على فكره الاب عمره بين ال 50 وال60 |
 |
 |
 |
من هواياتي قراءة قصص الشعر الشعبي وخاصه اللي تحصل بديار نجد والاحداث اللي يصاحبها قصيد قوي من شعراء وشاعرات اقوى اثرونا بوقتهم حتى فيه كلمات مايعرفها الجيل الحالي وفتشت عنها وحصلت معانيها وهي روعه لمن يتذوق هذا اللون من القصيد الشعبي اكملكم بعد العشاء جاني شغل |
رجعنا لكم بعد الفاصل :17: شابت لحانا مالحقنا هوانا __عزي لمن شابت لحاهم على ماش بيت مشهور يقال انه لمبارك بن مرجان يسكن بالاسياح بمنطقة القصيم .. كان اسود البشره مملوك لال فهيد امراء الاسياح ذاك الوقت .. ثم اعتقوه --------- فقير جدا ولم يرزق بذريه وكان يعمل مزارع .. واخر النهار يرجع بسنابل القمح والتي هي اجرته لتطحنها زوجته وياكل منها وطبعا كان الفقر عام في الجزيره وقتها وشكا حاله البائسه بهذ الابيات شابت لحانا مالحقنا هوانا __عزي لمن شابت لحاهم على ماش صرنا نكد وكدنا ماكفانا --- عيشة وزا يالله على الكر نعتاش نبي نغرب كان ربي رشانا -- ولا نطوش بمصر من عرض ماطاش |
يامساء الخير والحب للي دخلو هنا واستفسرو عن بعض ماطرحه هنا كل الشكر والتقدير على دعمهم نبداء يومنا بدعاء ( امسينا وامسى الملك لله اللهم ماامسينا به من نعمه او احد من خلقك فمنك وحدك لاشريك لك ) |
 |
موضه شبابيه لموديلات ٢٠٢١ تتوقعون نلبسها خخ  |
استكمالا لكلامي عن الشعراء الشعبيين شوفو هالبيت من احد سلاطين الشعر السعودي بن جدلان رحمه الله  |
نزعل ونرضى والخوافي عوافي من يزعل الثاني يصونه ويرضيه مانختلف والصدر عامر ودافي بعض الزعل بحر المشاعر يطفيه |
. *_✍ همس القوافي_* *------------------* *_احدٍ يدور لك خطأ وأنت ماخطيت_* *_واحدٍ يدور لك عذر وأنت مخطي_* *_يالله عسى الثاني مثل ما تمنيت_* *_تضحك سنينه عكس الاول وتبطي_* ______________________________ *_صباحاً باسماً لأحبائي مع تمنياتي_* *_للجميع أن يكونوا من النوع الثاني_* |
 |
 |
... من جروح الوقت ف وجهي سؤال ومن عظيم .. ال( اه ) / .. في نفسي وطن ... وين اقفي ؟ ..والسماء / تمطر علي ... وعيني اللي .. / كل م اقفيت .. تحن |
احيه ... برد نوم ... يالبيه ي بطانيتي :MonTaseR_215: القاكم ... باتسسر .. ان شاء الله :MonTaseR_1: |
ان شفت وقتك صايـرن فيه مافيه اصبر على الـمقسـوم خيره وشره تـرى الدهـر ماهوب ورعك تربيه مـهـمـا حصلك مـن بـراده وحـره وان شفت حظك منسدح لاتوعيه يـقـوم من نـومـه ويـنـحاش مـره رشيد الزلامي رحمه الله |
 |
تختلف معنى كلمك ( ايه ) كلما زدت ( ياء ) لها ايه / نعم اييه / كمل ايييه / كفو اييييه / فهمتك ايييييه / الله يالدنيا اللي عنده زياده يتحفنا خخ |
 |
اقتباس:
العضوه (دلهة ) اعطتنا تعريف اخر لكلمة ( ايه ) ( ايييييييييييييييه مع ايمالت الراس ورفع حاجب واحد وتساع احدا العينين وتصغير الثانية/يعني اعرف الحقيقة بطل بكش واعترف ) تسلمي للاضافه الجميله |
 |
اعتلي يانفس واعقل ياخفوق وارقدي ياعين وارحل ياهوى بنصحك ياقلب لايطويك شوق روحته مع جيته عندي سوى من يحطك تحت لاتعليه فوق ومن يحطك فوق يبشر لانوى الكرامه مايوطيها امخلوق والنجم لاطاح قالو له هوى |
وش ... صار في ( بعدنا ) م ( صار شي ) انت حي .. وأنا حي ... واشوف من ... يرحم .. معرفتنا |
مثل .... الحطب كنت .. احترق .. لاجل ( أدفيك ) ويومك دفيت ..الحين , تنفخ رمادي ..... |
 |
الغلا والحب يدعمه التواصل والجفا والصد تدعمه القطيعه ساحة العشاق مليانه فواصل والاوادم كل واحد له طبيعه �� |
الصدق .. لو يجرح ترى دايم .. جميل قسوة وضوح ..ولا غموض يضيعك... !! |
| الساعة الآن 10:14 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا