_

أحلى شي عندي الشلال

^والله صدق

مرت أخوي تعرف تفتح مواضيع وتسولف
ف هي عادي أسولف معها بسهولة
مع أنها مو دايماً تفهم علي صح لأنها اجتماعية وأنا انطوائية
دايماً تحسني نفسية ومعقدة

أصلاً ما يفهم النفسيات إلا النفسيات
حتى لو ساكتين =)

أحلى شي إذا قلت كلام بأسلوب غير مباشر
على طول يفهمون
وطبعاً أنا أكون متعمدة وأدري بيفهمون قصدي

في مقطع شفته من زمان
لين الحين مأثر فيني
كان في واحد يصور يومياته
ف مرة صور مع ولده وهو ف السيارة
يبي يوصله المدرسة
والولد كان يبكي ويقول قلبي يعورني
بس الأبو حسبه يتدلع عشان ما يبي يروح المدرسة
وقاله أنت لازم تروح ومن هالكلام
وراح المدرسة
بس بنفس اليوم توفى الولد وهو فالمدرسة

لما تذكرت المقطع اليوم تأثرت نفس أول مرة
و لأن صار شي ذكرني فيه

بس الشي الإيجابي بعد ما شفت هالمقطع
صرت أركز ف كلام الأطفال
حتى لو مو مفهوم وأحاول أفهم
وبعد لما يبكون أحاول أعرف السبب
وشنو المشكلة وشنو الحل

في ناس يقولون أن الأطفال يبكون بدون سبب
ويتدلعون بس مب مقتنعة
أكيد في سبب حتى لو بسيط

ومن تعاملي مع بنت أختي وبنت أخوي
كانوا لما يبكون ونحسب بدون سبب
يكون في سبب
ومرات السبب يكون مو طبيعي

الزبدة
ركزوا ف كلام أطفالكم ولا تتجاهلونهم
لأن يمكن يكون الشي مهم أو خطير

على طاري البكاء
مو كل الناس أتأثر لو بكوا
بعضهم حتى لو يبكون ما أتأثر ولا أشفق عليهم
مدري ليش !
بس يمكن لأنهم شريرين ومو طيبين
مو كل حد يبكي يعني مسكين ومظلوم

الأطفال أكثر شي يأثرون فيني
ولأنهم ما يعرفون يتكلمون ويعبرون بسهولة

جربت أسوي إخفاء للرمزيات والتواقيع
من تعديل الخيارات
وكأنه عجبني الوضع
أحس نفسي كأني فالقسم الإسلامي =)

بصراحة في رمزيات ما تعجبني
أحسها مو مريحة
ولما تطلع ف وجهي تضايقني وما أحب أشوفها

أنا شفت كلمة " قوة "
وبعدين " حياة "
وبعدين " دفء "

وانتو ..؟