أُعلنها !
حُبّكِ يا زهرتي تجاوز حدود المنطق
يسبح بداخلي
ك طفلٍ لا يجيد العوْم
ك يائسٍ
يهرب من صخب الحياةِ
إلى سكونِ النوم
ك صعلوكٍ ينعزل عن رفقة النواصي
ليجالس كُبراء القوم
ك هجمة قطٍ على أسدٍ كسيحٍ
أعيته كثرة اللوم
ك درويش أبق من زُهدهِ
فغرق في ملذاته طيلة اليوم

كان فيه مسرحية قديمة كان فيها سعيد صالح لسه وجه جديد كان طالع مع عبد المنعم مدبولي قال جملة شهيرة تسببت في شهرته وهي أنه لابس شراب استك منه فيه �� لان كان زمان الشراب بيتعمل بدون استك ويتلبس عليه من فوق استك ما علينا طبعا مش دي قصتنا ،

كان بيقول ايه بقى سعيد صالح عن الأستك بتاع الشراب " أشده ويلسعني أشده ويلسعني " ف سأله مدبولي .. طيب وليه تشده ، قاله علشان يلسعني ����

بالرغم أن دي قفشة كوميديه لكن دا فعلا حقيقي أحيانا احنا بنستعذب وجع معين لدرجة أنه يصير إدمان

تلاقينا نجري نحب واحنا عارفين اننا بنسبة كبيرة جدا هنتوجع لكن خلاص الوجع دا بقى زي افيون القلوب

وييجي واحد افندي حلو كدا يقولك هتحب ليه اصلا ... علشان يلسعني ههههههههههههاااااااي

بقالي يومين بروح الالعاب اشارك ف احرج اللي قبلك أو سؤال غبي وإجابة اغبى منه بس مش عارف اشارك الاول اعتقدت أن الموضوع نفسه عدى الحد الأقصى للمشاركات بس دا ف الغالب بيكون بعد ما عطاء دائم تلعب دور هادم اللذات ومفرق الجماعات ههههه بس مفيش عطاء امال ايه الحكاية ادخل موضوع تاني بردو مفيش فايدة .. قلت يبقى المشكلة فيا أنا بقى يبقى انا
اللي مخالف واقول لنفسي عملت ايه يا منيل زعل
منك الحاج احمد المدير ههههه كان ف غرام الحاج فارس ابو مهرة ههههههههه بس اكتشفت أننا بصدد تطبيق مبدأ وضعه العسكر الحسنة تخص والسيئة تعم ف الراجل جاب ضرفها وقفل القسم هههههه

المشكلة أن كل يوم الواحد بيتعرف ف المنتدى دا على ناس كويسة جدا وعقول ماشاء الله درر بجد
مفيش حد كامل طبعا كلنا عيوب لكن البني ادم الذكي اللي يعرف يحافظ على مسافة آمنة من الاحترام المتبادل بتشوف اجمل ما في البني ادم ودا المطلوب ف عالم افتراضي ف بصراحة كل يوم فعلا بشوف ناس درر مبدعين بجد وفكر مختلف وثقافة محترمة وكمان خفة دم ههههه واخيرا رسالة عارفة طريقها الجواهر الثمينة ديما غالية سواء كانت ف قصور أو كانت ف كهوف احم احم هههه بس خلاص

نعم انا ذلك الوحش

الذي خُضبت مخالبه

في دماءٍ لم تكن بريئة

تصعلقت يدي أزمنة

ترسم الوله وشماً

فوق اجسادٍ جريئة

قبلك يا حورية الحدقات

كانت امسيتي تترنح راقصة

على حافة الخطيئة .

انا من اظلمت مصابحه

فجئتيه أنتِ يا نقية البسمة

بشموعٍ مضيئة

احببتك فوق الحبِ حبا

ودون الحب حباً

ومع الحب حبا

كل من قبلك وهما

وتبقي انت وحدك

يا حبيبتي عينُ الحقيقة

ولسه يا حبيبتي بتسألي
دا انا كونك
وبراحو
شوفي كام نبضة سابت قلبي
ولحد قلبك
راحو
وف عز ليلي شايلك حضن
سهد وسهر فوق الرموش
ما ارتاحو
انا كونك
وفاتح ببان الهمس
مجذوب من الف امس
مستني شوفتك
زي نبتة زرع
تترجى قرار الشمس
تحن ع الضيا
وتطلق سراحه

الساحر

الكلام دا كتبته من حوالي سنة أو اكتر حاجه بسيطة هههههههه...

.
.
.
.
من اسبوع تقريبا كان فيه مشاكل ف تركيب شغل احنا عاملينه في بلد ف أوروبا الشرقية ، وكان لازم اسافر لان كان عاملين غرامة كبيرة جدا ع الشركة المهم هناك دخلت مطعم ومفيش حد عارف انجليزي علشان اتفاهم معاه ف جالي بنت اللي واقفه على الكاشير المهم ببص عليها كدا ، مش ممكن جمال رباني محصلش .. اول ما شوفتها روحت واقف مكاني �� طبعا اتعاملت مع بنات من المانيا وفرنسا زاروا المصنع بس هناك البنات حاجه تانيه خالص ��

هي بتكلمني وبتضحك ومعاها فوطة بتمسح الطرابيزة قلتلها انتي بتعملي ايه انتي متمسحيش انتي تقعدي هنا جنبي وانا باكل تفتحي نفسي وانا همسح انا ��

المهم البنت قعدت المدير بيشاور لها فقلت لها تقوله أنها هتفضل معايا لحد اما اخلص

الزتونة بقى من القصة ، أن سدة النفس اللي عند الرجالة اللي هنا دي مش هم السبب فيها

طب وربنا الحريم بتوعنا السبب ، الحريم هناك مش ممكن على الرقة والحلاوة يا جدعان حاجه تخلي الدم يغلي ف النفوخ فورا ����