من المدونات اللطيفة اللي كنت بحب ادخلها

اخونا الرايق وكمان الدكتورة والياسمين امممم ليهم فترة مش بلاقيهم عساهم من عواده لا لا مش دي هههه عساهم بالخير هههه سوري الجمل الخليجية اللي حافظها اتلخبطت ف بعض .. ربنا يصلح أحوالنا جميعا اللهم امين

كاتم جوه قلبي

وعمري ما هبوحلك

وهفضل كتير مدبوحلك

معلش

لسه برضو مسموحلك

بتلوموني ليش

اصبحتِ يا صغيرتي تتغلغلين

في اعماقي

بدون قصد

اصبحتُ أنا المجذوب السائح

بين احداقك

وانت الوِرد

كيف الخلاص منكِ

وانتِ تملكين بين اصابعك

صمام النبض

ان فاض الزمان على ضفافي

بأوجاعٍ تؤرقني

تكونين السد

ان ضاق على يومي وخاصمني

تنجبين بلا مساس

ينابيع الغد

إن اقسو تقابلين حماقاتي

بصبرٍ وود

كسماء تبدد بدمعتها

جمود الارض

تدلليني كطفل في مهده

متعلق بأم تحكي له

وتُجيد السرد

تستمعين بلا مللِ لسخافاتي

وتقبلين مبتسمة لكلماتي

من هذلٍ وجد

كيف الخلاص وقد

امسكتِ بتلابيب روحي

كطفلة تقبض على دميتها

فأحكمت القبض

الهمتيني رواية جديدة لحياتي

كنتِ انتي بطلتها

وجمهورها

ودور العرض

كيف استبيح لذاتي مع سواكِ

وفؤادي متعلق بك

كوشم الخد


كل النساء تنتقي من الزهور

عطورا تُزينها

وانتِ الوَرد

كل النساء يفتشن عن عشق

متناثر تحت اقدام الرجال

وانت الوَجد

كل النساء بحضرتك يا صغيرتي نوافلٌ

وانتِ الفرض

كلهن يا حبيبتي سواكِ

كمالةٌ للعد

الساحر ....

عندنا نحن المصريين تركيبة غريبة

يعني صعب جدا على المصريين التخلي عن عاداتهم الراسخة منذ القدم كمان عندهم قدرة كبيرة على مزج واستيعاب ثقافات مختلفة داخل البوتقة المصرية ..
انا مثلا اصلي من محافظة الشرقية ودي غالبية سكانها من قبائل عربية باعتبار أن هي بوابة مصر من جهة الشرق لكن مع دخول اعياد شم النسيم بفتكر واحنا عيال صغار كنا بنحتفل ازاي بشم النسيم ودي بقى فيها كوكتيل من الثقافات اللي مرت بمصر خصوصا محافظتي محافظة الشرقية لأن زي ما قلتلكم هي بوابة مصر الشرقية وطول تاريخ مصر الغزو بييجي من الشرق هههه
واحنا صغار كانت ستي الله يرحمها تجيلنا كلنا تحط بعيونا الكحل دا كان يوم السبت سبت النور ودي احتفال قبطي ويقولك اللي ما يحط كحله عيونه تتعب هههههه كله يتكحل اولاد صغار والنساء وكنت اكره الكحل جدا بيحرق العين هههه وبعدين بقى ف الليل كنا نجمع حطب كتير سواء حطب ذرة أو حطب قطن ونعمل نار كبيرة ننط من خلالها يووووووه نطلع على كل دار لازم يدونا حطب نعمل به نار وطول الليل نلعب ونط خلال النار ودي عادة مجوسية وقت احتلال الفرس مصر لكن اتعدلت بقى وتم اضافة نكهة مصرية عليها وقال ايه بنموت براغيت الشتا وف بور سعيد نفس العادة بس يجيبوا عروسة لأحد جنرالات الإنجليز ايام الاحتلال يحرقوها ف بداية الاحتفال مع اغاني بقى على السمسمية أنا فاكر أن واحد صاحبي واحنا صغيرين طلع فوق سطوح بيتهم ومعاه كبريت ولع الحطب علشان ينط والبيت كله اتحرق هههه والله كان نهاية اليوم رموشنا وحواجبنا شايطه من النار ..

نييجي بقى ليوم شم النسيم ودا بقى محتاج تدوينة لوحده لانه قصة تانية ههههه لو عيشنا هحكيها

كلهم حولك يتمايلون
وأنتِ من تتوسطين الحلقة
مجاذيبُ أحداقٍ كاحتراقٍ
فما سَلِمَ عقلٌ من هذي الحدقة
وأنا شحّاذ قلوب محزون
يرجو من السُهدِ صدقه
زرقاء العينين اجهدت عُشّاقا
يجهش البكاء دونها عناقا
ك قمرين التقيا زمنا
ثم افترقا
كيف الخلاص منك وانت مني
ك جسد لما أتاه الدفء
تفصد عرقا

رسالة الى احداهن ياكش نحس على دمنا بقى شوية .. مكعب ثلج جاي من القطب الشمالي يا نااااااس ههههه