وعليكم السلام ورحمة الله وبركاته
لو تبقى ٢٤ ساعة
ماذا سـ أفعل
الموقف مهيب
وبمثل هالامور يصعب وضع فكرة
لكن الله يرزقنا صلاح العمل وحسن الخاتمه

يسعد صباحك

انا احب التجربة
لا أحب الفرضيات

وتجربة الزمن
تقول لي
ان هناك محضر
رائع جدا
وطقس سماوي
يأخذني الى عالم
الوصال الجميل

لو كل شخص عرف متى اخر ٢٤ ساعة له في الحياة

ماكان لقيت نزار قباني مدخل راسه بالخاص عندها ويقول .. اسلوبك على وقع قلبي مثل الطير يحرك اغصان الشجر

ماكان لقيت واحد اصحابه يحاولون ينزلونه من فوق طاولة المرقص معطبها وزعلان عشان الشقرا ماتجاوبت معه وهو ربي محصنه بالحلال

ماكان لقيت واحد يبحث عن ثلاثينيه جاده بتويتر .. وزوجته جنبه تسولف معه وهو يسلكلها

ماكان لقيت واحد يلبس عقد ياسمين لرقاصه والمصيبه يغاااار عليها وهي جسمها مكشوف لجمع من السكارى

ماكان لقيت واحد يرش رش مو طبيعي بمنارة الخليج
ولو طلبته زوجته فلوس قال اصبري ولا كثير

ماكان لقيت وحده تخرفن البريئين من الرجال وتكسر قلوبهم وتدمر نفسياتهم .. وهو كان طيب غرضه يدخل البيت من فتحة المكيف

على فكرة اغلب اللي يسمعون عراقي حزين ومعه حمضيات هذا تخرفن خرفنه اليمه

ماكان لقيت سلاتيح العرب باعياد النصارى
ولا لقيت سلاتيح العرب في تحدي مع بنت بالتيك وهو يزأر بصوته.. كبسووووو ياعيال.. وماكان لقيت الحرة متعرية


ع العموم

اعمارنا قصيرة والموت خطااااف .. مايستأذن ولا يعطيك فرصة
والمشكلة ان اغلب الناس غافله

( اقترب للناس حسابهم وهم في غفلة معرضون)

لو حصل معي هذا الموقف .. حموت من الفجعه

على بالكم انه امر هين بالنسبة للي مقصرين في حق انفسهم

صحيح ان ربنا هو الغفور الرحمن الرحيم
وإن الجنة ندخلها بإذن الله بفضل الله ورحمته

ولكن

عسى الله يرينا مكاننا في الجنة في أول يوم لنا ببقبرنا

يقول الشاعر

يالموت لك هيبة تهز السلاطين
ولك حزة ماتدري الناس عنها

ولك ضربة تقطع حبال الشرايين
ولك طعنة ماغيرك اللي طعنها

ولك ضربة بالهند والسند والصين
والغرب وبشام الديار ويمنها

ولك صدمة تفجع قلوب المحبين
ولك خطفة ماينفع الحرص منها

هذا انت بس المشكلة عنك لاهين
نركض ورى دنيا رخيص ثمنها

يالله يارب العباد المصلين
ياللي يديها بالصدر تحتضنها

رحماك لامن حافنا نازح البين
والروح من بين الحنايا مكنها

انت الرجا والعبد مخلوق مسكين
والموت ساعة حق لابد منها


عارفين وش اجمل وامتع وافضل تحدي فيه متعه رهيبه تسويه بحياتك..وينفعك بإذن الله بآخرتك

انك توصل لمرحلة تقول لابليس بدري علييييييك اني اخاف رب العالمين

طبعا انا ماتكلم عن اهل الدين المطاوعة
اتكلم عن حالاتنا احنا شباب وضعوف باي لحظة ابليس يشقلبنا فوق تحت
.هذا بالنسبة لي انا افضل تحدي

والاجمل لمن تكون انسان معرض .. وتقرب من الله ..فيها طمأنينة رهيبه


عس الله يتجاوز عن تقصيرنا ويغفرلنا

من باب التذكير