|
( شُعَاعٌ ) بسم الله الرحمن الرحيم السلام عليكم ورحمة الله وبركاته كل ماسيكتب هنا من بوحي اتمنى قبولي كما انا تحياتي شاعر العرب |
همسة اعتذار اكن كل التقدير والود لكل من رسل بالخاص او العام وعدم مقدرتي بالاجابه والسبب لا املك حتى الان ٥٠٠ مشاركة اعتذر من الجميع وشكرا |
انتظرتك طول هذا الليل حتى غرد القمري على شباك صبري المـشــاعـر بيــننـا يا بنـت شتى اعشقك وانتي تحطيني بقبري شاعر العرب |
عليك السلام وكل ما صار لي مسموح أحبك ولو ما كنت انا اتحمل القسوه جروح الهوى ماترحم اللي يحب البوح انا واقف وظلي يسابقني بخطوه شاعر العرب |
يشتاق لك كلي الى كل كلك ويشتاق لي كلك الى كل كلي ان كنت انا شيٍ جميلٍ حصلك فانتي الغنى اللي في حياتي حصلي شاعر العرب |
انا سحابة غيم والبرق عيني وانتي المطر لا درهم الارض حساس اعطيتك احساسي وعطفي وليني وكل ماتبقى من بقاياي للناس لا لا تلومين الجفا من سنيني قدني مسجلها بحبرٕ وقرطاس اعطيتك الدنيا وباقي ضنيني واعطيتني من مر عشرتك لي كاس شاعر العرب |
ليه الهجر .. ياغاليهشاعر العرب |
ياحبيبي وينك انت ضعت بعدك ما سكنت غير في كل المطارات احتريك وفي يديني ورد نبضاته يبيك ياحبيبي ارجع لخلك ترى ذبلت عيونه من دموع الكرى شوف صمتي .. ماهو صمت اللي نسى ياحبيبٕ غاب عن خله .. قسى وين التقيك شاعر العرب |
صدفه ولمس الايادي واشعاري تقول انك حبيب القلب لو مالك عذول هاتي يدينك .. لي مليت من صبري ماجف لك حبري قولي انك حبيب القلب ياكل الوجود مشتاق لك والليل ما يعرف ينام مشتاق لك والشوق مايعرف سلام هنا وقف نبضي ياغاصبه ارضي شوفي سنابل عشق بيديني قيود شاعر العرب |
مافتكرتك لني عمري مانسيتك كيف ابنسى من احبه علميني وان جرحتك الف مره ماقويتك الجروح احيان ادفنها بعيني صدقيني كنت ابنسى مابكيتك والحقيقه شفتها في دمعتيني شاعر العرب |
لو للقمر شامه وخدين وعيون كنتي القمر بابها وصوفه وحله اي والله اني اعشقك عشق مجنون وانت الذي اختارك القلب خله شاعر العرب |
تحبين الشعر وادري بأنك تعشقين الحرف وتقريني بكل احساس وادري تفهمِ احساسي اجل ليه الجفا ياللي بدينك حال فينا الطرف أحبك والقمر يشهد أحبك يابعد ناسي شاعر العرب |
ياهنوفٍ دثريني في ضلوعك أولميني خلف حلمات الطواقي جنني شاعرك مايهوى رجوعك الحنان ادفى من عروق السواقي جمرتينٍ ضيعتنا من دموعك خوختين يحبها نبت العراقي كاعباتٍ شامخاتٍ في شموعك توقد الاحساس من طرف العناقي ايه أحبك حب بردٍ مايلوعك كود ليلٍ طاش بي صبر التلاقي :MonTaseR_222: شاعر العرب |
اذا تسأليني ليه وش ذكرك فيني فيمكن حنين الصوت يمكن حنين الفقد قد الشوق مع برد الشتا حيل يكويني انا قد احبك حيل او حيل احبك قد شاعر العرب |
اناديك وانا اللي من صدى الصوت انادي لك عسى لو يمرك صوت من جر به جره اشوف الدموع اللي تصب بمناديلك على شوق لقيانا ولو في السنه مره أحبك واتوه بكل ماطرد قناديلك اطيح بشبك هجرك واعاود الكره شاعر العرب |
لا على صمتي عجب لا على هجري ملام كل ما مديت لك يدي باحساسك تعل كان تبغى الحب مابيننا هرج وكلام كان هذا اللي تبي الصد لك قول وفعل شاعر العرب |
وش تبين اقول لو كنتي سراب وش تبين احس لو كنتي عدم كل ما فتحت شباك الضباب مالقيت الا سرابٍ من حلم شاعر العرب |
تساقط فوق خذ الليل وارمش بالسحاب مزون وعلى نغمات صوت الرعد اطرب لي وأرقص لي ابي ادفى بعز الصيف زوّد بالجنان جنون ابي اسمعك طول الوقت تحكي لي وتقصص لي شاعر العرب |
تدري ويش انتي بعمري ( ذكريات ) والله ان تبطي عظم ما انتي إلي شوفي وش سون في قلبي البنات حبهم شاعرك بحساسٍ ملي ضيعن الشاعر بكل الجهات لين ضاع بقلب خوافٍ خلي القناعة كنز قدم المغريات لا تحبيني .. تحبي المبتلي ؟. شاعر العرب |
الرسايل لها مفعولها بعد مده كل ما جابك الطاري تهل دمعي ياحبيبٍ جرفه البعد كيف استرده ضاق بي الكون وحدي وانت ما انت معي وكل ما غمضت عيني في ذيك المخده صوتك وضحكتك باقين في مسمعي ضحكةٍ تفرح القلب وغيابٍ يهده والله اني اريدك هذا هو مطمعي شاعر العرب |
بقي اربع وعشرين ساعه على لقياك انا بنتظارك فوق جمر اللقى الثاني ثواني انتظاري شايكه بحاجز واشباك الى الموعد الثاني حبيبي بتلقاني أغني بصوت الواله المغرم ال يفداك واصيح بحمامة شوق يا ليل يا داني انا استعجل اللقيا على شان غصن الراك اذا غاب عن عيني عيوني تبكاني عشقت السوالف كلها بيننا وياك على صوتك المنغوم بلحان واغاني دلعها مثل خيلٍ يسابق به الافلاك وزعلها مثل كبريت في جوف بركاني شاعر العرب |
جالس على اعتاب القمر فوق عالي والوقت ما يمضي من الامس لليوم علمني كيف اعيش وانت في بالي مضيع الراحة من الصحو للنوم شاعر العرب |
لا تردد في مواصيلي وتقطعني .. شوف والله اني ما احتمل غيبتك يا شمعتي السوالف قلتها لك وانا مليان خوف والا انا من عزتي ما ابين دمعتي شاعر العرب |
من صفات الضبي لا منه وجل صد وجفل ياعيون اغرورقت ماعاد تغسلها الدموع لا تخاف من المفارق خاف من كثر الوصل الوصل نارٍ تطفى بيننا كل الشموع شاعر العرب |
يالله صباح الخير لك طوق بستان ياللي اشوفك تسكن الروح فيني ما اقول انا شاعر وما اقول فنان لكن رسمتك صورة بوسط عيني اشاهدك نجمة تبي تسكن انسان واشاهدك غيمة تبي تحتويني شاعر العرب |
لا تصدق في شبكات التواصل .. التواصل كلها لحظة .. وفاصل وبينها وبين الحقيقة .. الف لا والف حاصل وان تعثرت بهواها .. أو تأملت بلقاها بساحة الاعدام راحت راسك بمليون سيف والف قاصل لا تصدق من يحبك ألف مره .. ألف مره ولا تأمن نفسك بطيفٍ تجره انت كالدره .. اذا طاحت تحاشتك المجره بخيرك الضار وبشره لا تعاود تنتحر وتصير جره تسفح العلقم بمُرَّه لا تصدق الحنين احيان .. كذبه والوفاء احيان .. نصبه والسنين اللي مضت ساحه ولعبه تحسب انها جات عذبه ؟ لا تصدقها تراها جات كذبه لا تصدق من يغني لك اغاني باحلى احساس ومعاني باروع احساس ومعاني صدق انك انت وحدك .. اللي بحساسك تعاني شاعر العرب |
ااه يازفرة ألم .. ااه ياغدر العشيق ااه يابوحٍ تعدى كل حدٍ في الضلوع كنت ضامي وصل لكن صرت كلي يبس ريق العطش قتال قلبي والالم ولع شموع لا تقول اني ظلمتك وانت ضيعت الطريق وجهتك ماهي عشاني وانا كملت الطلوع ماعشقت الا سحابه وماقتلت الا غريق اذكري رش المطر من عقب هاذيك الدموع شاعر العرب |
في يوم فرقانا طفت كل الانوار نور الشوارع والزقق والمدينه ظليت متسمر على عتبة الدار مثل اللي يصفق في شماله يمينه حاله غريبه كلها خوف واخطار كن المدينه من جروحي حزينه شاعر العرب |
قولولها اني من البارح جريح .. اوقف واطيح واموت بعداد الثواني وامشي مشاوير التعب وابحر مع امواج الغضب قولولها .. قولولها ابغى استريح شاعر العرب |
في سيناريو لقصص متشابهه سميتها بعد الجفا عل التغريده المقبله ستكون فاتحة جرح حتى تنال وقتها من القراءه المجرحه لا الممتعه شاعر العرب |
بعد الجفا يبان لي وجهٍ خفى مابه امان ولا دفى مابه سلام ولا وفا بعد الجفا تموت لحظات العناق يزيد ف القلب اشتياق وكل لذة حب ذكرى ماتزيد الا اختناق بعد الجفا تصبح رسايلنا وسيله للصبر مدري صبر والا بتبقى بس ذكرى للعمر كل رسايلنا الجميله وكل مشاكلنا الجميله كلها تبقى جمر بعد الجفا يصير ممنوع اللقى يزيد في القلب الشقى يصير مفهوم الحنان انك تكون انسان تقتل وردة الماضي تخون كلك ظنون كلك مشاعر ساكنه وسط السكون انك تكون القاتل اللي يقتل الحب بجنون انك تكون السائل اللي يسأل الحب بجنون من تكون ؟ انا جروحك للغدر انا طعونك بالظهر يصير ممنوع اللقى اصير انا كل الشقى واصير انا الورده اللي ماتت لن محدٍ بي سقى شاعر العرب |
يمكن جهلت الفراق ورحت متعني ابغـى وصالـك وابكـي تالـي الغـيره لكـن مـع الـوقـت والـتـفـكـيـر كأني ادركت حكمـة فراقـك عـل به خيره شاعر العرب |
ياحنونه ياعيون الليل يابدر التمام ياسواقي خمرٍ مصفى على بيض الخزف ارعدي صف الحنايا بين ضلعين الغرام واعزفي لحن المشاعر انت احسن من عزف وارقدي بين الضلوع ولا تخافين الملام طالما انتي حقيقه غيرك اوهام وأزف شاعر العرب |
خلك كسير وعلى يسار ذاك الطرف انا تعبت انتظر ولا اعرف المصير شكيت فرقاك ما شكيت حزنٍ ترف وانت تخون اللقا كل ما نويت المسير ابعترف لك ولا ودي اجي واعترف انا نويت الذهاب فيوم خنت الضمير انا اكثر انسان يحبك بحبه سرف وانا اكثر انسان يتألم بجرحٍ خطير شاعر العرب |
كيف الصباح يذوب باحضان خلي وكيف الندى يمشي على عرق انسان ياحلى من الدنيا .. واحلى من اللي يرسم جمال السحر شاهد وبعيان ياللي تماديت بحلاياك .. قلي وين اللقى مادامك لقلبي اوطان من شرقك لغربك اعيش بتجلي ومن حبك لهجرك مقادير وازمان ارق من ريش الحمام المهلي يحتار في وصفك معي كل فنان ذايب على غصنك .. وذا اللي حصلي انا الذي ذاب فحلا ريش واغصان شاعر العرب |
ورْدَةٌ ... قَـهْـوَةٌ ... سَـاعَةٌ .... .................... وانْـتِـظَـارٌ طَــوِيْــلٌ مَـــعِيْ رَعْشَةٌ فِيْ يَدِيْ الْعَاشِقِ .... .................... يَعْـصِفُ الْبَـرْدُ فِيْ اضْلُعِيْ شاعر العرب |
ياهل ترى كم سيده تقرى قصيدي ؟ كم سيده تفهم قصيدي ؟ ياهل ترى كم سيده اتطير في برد المشاعر ؟ كم سيده تهواني ؟ .. لني لني شاعر .. ! ياهل ترى .. ياهل ترى ياهل ترى كم سيده عضت اناملها .. حنان وكم سيده نامت على اشعاري .. امان لكنها .. ياهل ترى كم سيده ناحت من احلام الكرى كم سيده تبكي من احزان الكرى ياهل ترى .. ياهل ترى ياهل ترى سافرتي للواقع باحلامي انا .. حسيتي جروح المشاعر والعنا .. تبغي غزل ؟؟ يمكن اقوله .. ما اطوله نظرةٍ منك حجوله تحيي الروح الطفوله ياهل ترى كم سيده مثلك هنا ياهل ترى ياهل ترى شاعر العرب |
ليت الوجع فيني ولا فيك أنا أعتـذر منـك .. يا حلوه امــر تـدلـــل وأنـا بـعطيك روحي وعمـري لـك فدوه لكن .. لا تناظرني عينيك بدموعـهـا تـراني ما اقوه يا ريشتي يا عمـر غاليك ما عـاد تـتـكـرر القـسـوه شاعر العرب |
مـاعـشـقتك نفاق ولا عشقتك وهـم ولا قــويــت الـفـراق بــيـوم ضـيـعتني كنت اشوفك حقيقة وانتي كل الحلم ويـوم سـامــوك جـيـتـك وانت بيعتني شاعر العرب |
استغرب ان السيناروهات تتكرر بشكل ملفت للنظر مع العشاق لو كنا نحسب حساب للبدايات كنا فهمنا دايما مايحصل بعد النهايات فعلا البداية كلها هدايا :MonTaseR_10: .. والنهايات كلها جروح:eiwp: أقول أنا من بعد فرقاك نفسي أجي وأسألك وش اللي تغيّر كيف تقدر تجافيني قبل عام وأنت تقول لو كنت ضامي هلك أبد ما اتركك بالله .. لا .. لا تخليني كلامك يجي في خاطري كلما أتخيلك ورغم الهجر القى أمل منك يحييني ودار الزمان وكل لحظة تجي وأجهلك وأنا اللي حسبت البعد ما يوم يكويني قدرت اتعايش داخل الفلك دون الفلك وقدرتي تخونين اللي ما بينك وبيني انا كل يوم أقول نفسي أجي وأسألك ولكن بعد اليوم ما عاد يمديني شاعر العرب |
| الساعة الآن 09:29 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا