جيل الستينات والسبعينات والثامنينات والتسعينات
تكلمو عنهم
واللي فوقهم ايش فوق التسعينات
حبيت جيل الثمنينات اصلين وطيبين ومهوووسة فيهم لإني من جيل التسعينات
وش حظ الثامنينات والتسعينات
احس رغم طيبتهم وكرامة روحهم الزمن صار غدار عليهم
وش رايكم ؟؟

ماله داعي تشكريني الأجيال والزمن لهم دور في عقليتنا والبيئة تدور نفسيتنا احب اتكلم في هذا الموضوع شاركينا رأيك لأني انا مهووسة بالأجيال

جيل الثمانينات والتسعينات
اكثر ناس تمردغوا في حياتهم

طفولتهم جلد ومراهقتهم بين الاوديه
ومطارد السيول

ولكن

الخير في امة محمد إلى قيام الساعة

بالعكس الجيل الآن أفضل بكثير .....

جيل الستينات والسبعينات والثمانينات بشكل عام ماعندهم تفاهم ولا مرونة ولا فكر ...

وبشكل عام منتشرة بينهم البغضاء والكره والحقد مثل التعصب القبلي أو التعصب العائلي ... مثل التعصب من ناحية الزواج ومن ناحية الميل للظالم لأنه من قبيلته أو لأنه ابن عمه وغيره ....وياما ضاعت حقوق ناس وانظلمت بسبب الشي هذا .....

ناهيك عن الظلم وسط العائلة بسبب ان فلانة ماتطلع من العائلة فلازم تتزوج فلان حتى لو كان مايصلح للزواج ...وقس على ذلك بقية أمور حياتهم ....

ويكفي العنف اللي كان منتشر بينهم ...لا في الخصومة ولا في تربية عيالهم ولا حتى لما كانوا يدرسون ..مضاربات برا المدرسة على الرايحة والجاية ...





الشباب في وقتنا الحاضر عندهم تسامح وعندهم تفهم للأمور ...بعكس جيل الستينات والسبعينات والثمانينات ..فـ يكفي يوم تشوف الشيبان في اجتماعاتهم بخصوص امور تخص أمور القبيلة أو العائلة ..تلقاهم يتهاوشون ويرمون على بعضهم الكلام اللي مالي أمه داعي ..وكل واحد يهمز ويلمز في المندوب حق العائلة الفلانية ...يعني يوم تشوف تصرفاتهم في اجتماعهم ماتصدق أنهم أهل الحل والعقد ..


الأجيال السايقة الـ ( 60 و 70 و80 ) كان وقتهم الكثافة السكانية بسيطة وأمور الحياة برضه بسيطة ..لهذا السبب ماكانت فيه مشاكل طالعة على السطح زي الآن ..





أنا بالنسبة لي أرى ان جيل اليوم أكثر عقلانية وتَفَهّم للأمور ... يا أخي تحس ان اللي قدام رجل لما تكلمه بجدية ...بعكس الجيل السابق مسيطر عليه التعصب والجهل وعدم إحقاق الحق ...


أقرب مثال شوف لما يكون جارك من الجيل السابق....وشوف لما يكون جارك من جيل التسعينات ...راح تشوف الفرق ...يكفي انه يقبل التفاهم ويقدر الأمور ....



وبرضه شوف تربية جيل الـ ( 60 و70 و 80 ) لعيالهم .!!..ياويلك وسواد ليلك لو تقوله ولدك مبهذل الناس او مسوي مصيبة ....تلقاه يدافع عنه ويرفع صوته عليك ...يعني لا احترام ولا تقدير عندهم عند الخصومة رغم ان الخطأ راكبه من ساسه لراسه ...




ملاحظة :

أنا ما أقول كلهم ..أنا فقط جالس أتكلم بشكل عام ...



وللمعلومية أرتاح لجارنا لما يكون من النوع اللي لبسه جنز وفنيلة ..أكثر من الشخص اللي لابس ثوب وشماغ وعقال مدري كيف لابسه ..و..الخ ..

يا أخي احسن اني اقدر أتفاهم مع الأول ...والثاني أحسه راكب راسه وما أقدر أتفاهم معه ....

ومازلت أقول اني ما أعمم ...كلامي بشكل عام ..



......