كل مااتمناه هذا اليوم شخص يتجاوز حدوده معي
من شان اجدد نشاط الغلط اللي من فتره صامت
انا من زمرة اللي يغلطون
ع الاخرين ويروقون
عاد إنفصام نفسية
مهبولة
الله أعلم
عاد ذي أمنية الصباح
الناس تدور قهوة ورد روقان
ماعلينا عندي امتحان بكرة
ومخي تجمد
حاولت اليومين اللي فاتت
لكن مامن رجا
المهم اللي طالعين للبر هالايام
انتم بكامل قواكم العقلية
الله عطاكم بيوت
ودفا تروح تتجمد بالبر يالناقة ليه
الحمد لله ع نعمه التي لاتعد ولا تحصى

اللي قررو يعتزلو المكان والكتابة
والشعر
ياليت رغبة الاعتزال ذي تدزونها
لمحمد عبده وترجعون انتم
عموماً من يتنفس ع الورق
وبين بحور القوافي لايغيب
ولو حاول الهرب
علينا أن نعيد النظر فيما نريد
وأن نعيد النظر بالحضور والغياب
انا من اللي مرتاحين
لافاقد ولا مفقود
وبلا مبالغة استانس إذا محد فقدني
الحرية في ممارسة الحياة متعة
لكن هناك امور ليست في نطاق إرادتنا
اقوم افطر الله ياخذ الاستاذة
بعد ماصحيت قالت المحاضرة عن بعد
جعلهم يبعدونك لجنوب الربع الخالي
ورا ماعلمتنا من البارحهه
نلقاكم

قسم مشكلتي
متنقع بيه وحده عندها إنفصام بالشخصية
كل يوم سالفة
واضح انو مفهومها عن الخيال
وقصص الدراما والانحراف السلوكي والاخلاقي
شاغلة خيالها
اتوقعها وحده كبيرة بالسن
وقاعدة بصالة بيتهم وتألف حكايات
...
ودي اعرف اللي يحكون قصص من نوع الخيال
المعفن من وين يزرفون الافكار
نعيش وضع اخلاقي صعب
والاصعب ان يجاهر المخطيء ويتفاخر
بسقوطه المروع
عندما تفقد قيمة ذاتك في عينك
لن يرفعك ثناء العالمين

مريت بموقفين لا أحسد عليهم البارحة
عند بوابة الجامعة الحارس يقول هات
امسح باركود الموعد اعطية الشاشة
يطلع محمد عبده كان بالخلفية
وش ابي بذا الحين
وقعد يتحلطم زحام وحوسة وانا مفهية
دخلت القاعة وراي وحده تاكل العلكة
بشكل مقززززززز ناظرت لها وقلت سكري فمك
ابتسمت عديمة الاحساس
وماردت
وبدأ الاختبار
صوت المضغ بعقلي
حسبي الله عليها
انادي المراقبة
البنات يتنحنحون
مافي فايدة داخلة
جو البعيده
والله ماصدقت حان الوقت وطلعت
اصعب موقف اكره هالتصرف
عموما ذريعة الفشل بالاختبار هي

هناك فئة من البشر متعففون
تمر بهم الحاجة فلا يخبرون أحد
تحسسو اولئك الطيبين
لأنهم بين الكرامة والحاجة
وهناك المتعبين الذين تساقطت ملذات
الدنيا من أعينهم
لـ أي سبب كان
اسألو عنهم
ادخلو السرور لحزن أيامهم
لقد أخذتنا متطلبات الحياة
بعيداً عن جوهر الانسانية
حتى صنعت منا أجساداً ناطقة
تلهث خلف المادة والمصالح الشخصية
بلا تعب
ومساكم رضا نقوم نفطر ونشوف
شنو عند العالم من جديد

هناك من يتقنون تصوير الاحتياج
بطريقة لاتخطر ع بال أحد
عندما تعبرنا بعض النصوص
نصاب بنوبة تعجب!!
كيف طرأ له هذا النمط من التصوير والبلاغة

كـ هذا البيت
ناديت..بح الصوت *ليه تغادري .!!

انا هنا ابن الجوع واحلامي رغيف

المهم عندي محاولة كتابية ودي اطرحها
ومتكيسلة
ادور جرعة شغف وانزلها
وبعد ودي انفض غبار قسم النقاش
واذبحونا ربع الفلسفة
بيليق ومالا يليق
وينكم ولا بس شاطرين تدورون الزلة
ربع الشياب عندكم سالفة ولا انثبرو بلا تنظير