المشاركة الأصلية كتبت بواسطة نجمة

	ليش ليش اكتب اكتب وانا والي هنا بنحدد إذا خارج ولا داخل الموضوع

فيه ناس لما بتنسحب من حياتهم بيقولوا بركة يا جامع، وما بيحاولوش حتى يسألوا عن السبب، أو يتطمنوا ليكون حصل لك حاجة، أحسن ترجع!
في يوم من الأيام كنت عندهم مهم قوي وفارق ومختلف ولا غنى عنك، لكن دلوقتي ما بقوش عارفين هم عايزين منك إيه، فبيسيبوك تنزلق من بين إيديهم عادي، بلا ندم، ولا محاولة لاستبقائك أو تفكير في اللي عملته عشانهم، ولا اللي كنت لسه مستعد تعمله.
هم عمليين قوي، وحسبتهم بسيطة ومباشرة: واحد بيروح وواحد بيجي، والحياة بتستمر، ومفيش حد لا يمكن الاستغناء عنه. عكس حسبتك اللي هم كانوا ركن ركين فيها، وعدم تحضيرك ليوم يجي وهم مش في القلب من اهتماماتك.
انت مش أهبل، ولا هم خاينين، لكن هي دي طبيعة الحياة، وكل واحد بيتعامل بأسلوبه وباللي يقدر يتحمله. مش كل الناس شبهك، ولا انت شبه كل الناس، ولازم تتعود تتعامل مع النوعيات دي من الصفقات الخسرانة من غير أفورة ولا مظلومية ولا شحتفة.

وربنا يرزقك بالطيبين في طريقكِ