خليتني طفل يتيم ....... ومسكين
يبكي على امه والأهل .. والحبايب
امه توفت والقرايب ....... ملاعين
ما فيهم اللي يرحمه ...... بالقرايب
ما له صديق بين ناسه ... والادنين
يا غير ابوه ومشكل العود . شايب
عود كبير وحطمه وقته .... الشين
ورعه صغير ولا لقى له .... حلايب
يالمترفة خفي عليه من ...... البين
الطف بقلب مهتويكم ......... وآيب
قلب العناء لو نعذله عنكم .. شوين
يقلب علينا بالزعل ... . والمصايب
قلب تعلق في هواكم من ... سنين
عشقه غريب يا جميل .... الترايب
ما هو من اللي عشقهم يوم يومين
بس السوالف عشقهم .. والضرايب
لو قلتي بين كم غلانا ... وهالحين
عز الله اني مهتويكم ....... وذايب
ارزم عليكم كما خلج ..... وضيرين
ترزم عليهم متعبات ....... الركايب
لو خيروني توبتي ياريش ... العين
لا والله ماني عن غلاكم .... بتايب
اما تلطف ترحم اليوم ...... يالزين
والا تراهم قربوا لي ...... النصايب

القارظ العنزي