بسم الله ماشاء الله تبارك الله !!
شو هيدا الأهداء الفاخر وهيدول الهدايا المبهرين
صديقتي الرائعة وأختي الجميله (آيــفـــــ eve ـــــى) الله يبارك بعمرك وصحتك
ويحفظك ويوفقك ويسعدك بكل مجالات حياتك وفي المنتدى كمان

غاليتي لساني عاجزه عن شكرك قد ماتستاهلي وعبارات الأمتنان والعرفان واقفين مشلولين
قدام ذوقك ولطفك ونبل أخلاقك وقدام مشاعرك الراقيه ومحبتك الكبيرة
مابتتصوري حجم السعاده يلي أعطيتينياها عبر هالأهداء النادر يلي من القلب الى القلب
بتشكرك مبدعتنا قد السما والكون ع كلشي ربنا يسعدك دنيا وأخره ويرزقك كل ماتتمني

بدايتا من فكرتك السوبر روعه ,, كيف فكرتي أنك تعموليلي بقا أهدائات حقيقية
منجزين بأيديكي الحلويين ؟!! عنجد برافو عليكي
وأأسم الله متل عوايدك مبدعه وموهوبه بكل مجالات الأدب والفن
غرقتيني بكرمك وذوقك أغدقتي عليى بهدايا قلبية كتير عميقة وأنيقة
كتير فخورة وفرحانة فيهم وفيكي وعنجد كتير أسعدوني وعجبوني تسلمي لي يارب

و2 شي غاليتي أختياراتك للهدايا بيدلو ع ذوقك الكتير كلاس والمبهر وحدسك الصادق بأنهم المفضلين عندي
رسمتيلي لوحة طبيعية بريشتك الساحرة وأنا بالفعل بعشق الطبيعة والخضرة والغابات
وكتبتيلي رسالتين مؤثرتين بخط آيديكي الحلويين كل رساله أروع وأعمق من التانية
أنخزنو جوات قلبي وروحي وعقلي وقرايتن مرارا وتكرارا بيجيبولي الفرحة

رسمة الوردة الوردية وكتابة أسمي بالعربي أندمجو بهارمونية مذهلة بيسر الناظر
وكأنو النقاط هني بذور الورده والحروف هني خطوط وتقاسيم الورده

مجسم حرف الــ T ع الحجر وكأنها نحت مع زهرة الــ (Lily) سوبر روعه !!
جوانب الحرف تحولو لأغصان وقاعدة الــ T الى جذع وجذور الشجرة
وكأنو حرفي تحولت لشجرة وأنبتت الزنبقة البيضا ... عنجد وااااو

ونقشة حروف أسمي ع الصدف وتزيينها بدوائر ملونة بنفس ألوان رمزيتي
فن متقن مابتجيدها الا الفنانه والا الشخص يلي بينقش بمحبة وبيهديه لحد غالي عليه

عنجد بتشكرك مرة 2 جميلتنا وأختي الرائعه أيفي ع كل هالأعمال والكتابات
المعمولين والمكتوبين بالحب والتقدير ويلي جمعتي فيهم ماشاء الله كل مواعهك وابداعاتك
في (الكتابة ,, الرسم ,, التصوير ,, الخط ,, النحت ,, والنقوش)
وكلن لآلي وكرمالي وبأسمي وحروفي ,, أنا كتير محظوظه ومسروره فيهم وفيكي
ربي يخليكي لالي ولالنا ولكل أهلك وأحبابك ومانتحرم من طلتك وأبداعاتك
وعطول أشوفك بقمة الصحة والنجاح والسعادة