متِّعيني .. وليدة اللحظة


ما عشقته غير وجهٍ مسفهلي
لا تكلَّم ما تمل اذنك سماعه


فيه ثقل وفيه شي من التغلي
بس لا من حب يعجبك اندفاعه


قال حبيتك .. وقُلْتَه .. جيت كلي
من يبي قربي .. أنا جيته طماعة


مخلصٍ في الحب وافي مثل ظلي
به جمال وبه دلال وبه سناعة


ما هو من اللي يحبك للتسلي
الوفا طبعه وتزها به طباعه


في نقائه ما رأيت ولا ذِكِر لي
كن نور الفجر ماخذ من شعاعة


والله أحبه وهو في الناس خلِّي
في بحر حبه فرد قلبي شراعه


طعت في حبه وحبيته وانا اللي
مآ أطيع أقول له سمعاً وطاعة


يا ليالي عمرنا بالسَّعد هلي
بطلي تكفين من طبع اللكاعة


فلي حجاج الفرح تكفين فلي
طمني بالوصل من قلبه رعاعة


خايف أوقات الفَرَح عنّه تولي
من بعد ما طاب في الدنيا متاعه


أدري إن العمر تاليته مولي
متّعيني لو بقي في العمر ساعة



سُهيل