الله يا حروفي بصدري لامي تحمسين



وبهيل المعاني وزعفرانها لها تتبهرين



على غلا وحبي لامي ما ظنك تكفين



بدنيا شوقي ومهجتي هي وكل الحنين



هي ضياء لروحي وسعادتي لسنين



يا مه من صمتك ليتك اليوم تنطقين



أسال الله يمدك بكل ما تحبي وترغبن



وان لا يحرمني من حبك ولبرك يعين



سمحيني لبان لصدود الأيام أني حزين



اظهر عكس ما فين وادري انك تشعرين



يا مه انتي بكفه والعالم به يا مه ترجحين



يا مه يا مهجة القلب أمزي واشي تطلبين

ربي يحفظ مامتك وجميع الامهات الغاليات ❤️
وربي يرحم الاموات منهم وربي يجعلهم بالفردوس الاعلى ❤️

الله يخليك لعين ترجيك
ويرزقك برها
قصيدة وافية المعنى
صح لسانك