|
إضافة رد |
| LinkBack | أدوات الموضوع | انواع عرض الموضوع |
05-08-23, 07:39 AM | #13 | ||||||||||
|
يقول نزلت في المطار واخذني على الفنتك وكانت غرفتي في الدور السبعين واسمع ذيك الللي تنخى تكفون يا . . . ( اسم قبيلة ) وافتح باب غرفتي واطل عليها من الدرج ولاهي بنت شقراء تعدي ( تركض ) ويعدي وراها هاك العبد الصل ماتشوف الا لمعته في الدور الارضي والبنت هاجه وتنخى قبيلتي ولا يمدين على اللفت وانقز من الدور السبعين للارض ومن حسن حظي على ثوب مرودن يفرش مثل البرشوت والحق العبد وينحاش مني برى الفنتك ومعه ومعه لين جيت طريق اسمه ستريت سد مسدود الطريق وامسكه بعلباه ومن حسن الحظ معي دقة محيسن ( خنجر صغير) واهتره اهتره لين نقع في دمه ولاهي جايتني هاك الشقراء تشكرني وتقول كفو والله يا. . . هذي فعلكم مخبور بيض الله وجهك يالذيب السالفة حقيقية ماهي خيال شايب كان يجمعنا ويشلخ علينا توفى الله يرحمه ويبيح منا ومنه | ||||||||||
|
05-08-23, 10:07 AM | #14 | |||||||||||||||||||||||||||||||||||||
اترك أثر طيب
|
الله أكبر !!!! ياريتني عنده ذا شكله مواقفه كلها بطوليه بالله خليه يسجل معنا هههه الله يسعدك هذا النوع مطلوب للجلسات والرحلات فالبراري | |||||||||||||||||||||||||||||||||||||
|
05-08-23, 10:22 AM | #15 | ||||||||||||||||
اترك أثر طيب
|
أكبر كذبة في التاريخ سمعتها من جدتي الله يرحمها . كان عمري 6 سنين وكنا جالسين حول فانوس مابه كهربا عندنا . حطت فراشه على الفانوس واحترقت من الزجاج وقالت جدتي هذه مافيها عيون وخبرتنا بقصتها. في يوم من الأيام كانت البومه تبغى تحضر عرس وماكان عندها عيون فقالت للفراشة : عطيني عيونش أحضر بها العرس وأرجعهن . يعني كأنها ماخذه عدسات أو فستان (الله يرحمش ياجدتي كيف مررتيها علينا وهي صاروخ أرض جو) المهم خلص العرس ورجعت البومة عند الفراشة وقالت لها : ماني مرجعه العيون . وذيك الفراشة زعلانه وتدعي عليها لين راحت وخلتها كذا . وفي الختام أكدت جدتي الله يرحمها أن البومة ما تشوف بعيونها وصارت مخيفة والفراشة مسكينه ما تشوف. الله يرحمش يا جده ترا نحن اللي ماكنا نشوف وكل القصه ذي عشان نشرب حليب وناكل خبزه قبل النوم لكنش رسختي فينا علم الأحياء . والصاروخ الثاني هو يوم خسوف القمر أختي جالسه تدق حجاره وقالت لو ما دقينا الحجاره كان طاح علينا بحر القمر وغرقنا . اكتشفنا بعد سنين أن ذي بدعه وأن أختي معد هي بعيده من فرعون ههههه (العالم يحاول يحصل قطرة ماء على القمر وذي تقول شفت البحر يعتفس في القمر شوي ويطيح علينا ) كثير صواريخ عندنا | ||||||||||||||||
|
05-08-23, 10:30 AM | #16 | ||||||||||
|
مات الله يرحمه وله مقولة خالدة ( المفتاح يسابق التشغيل الا عند قلّ ماء ) والقصص الثلاث اللي سردتها كلها له من باب المؤناسه والضحك كان يسوي لنا جو وحنا صغار الله يغفرله مات الحس الفكاهي مات المرح مات التواضع ولين الجانب اللي في سنة هاك الوقت كانوا قشران معنا نظراتهم وكلامهم لينوا للناس خصوصا الاطفال ترى ماينسون | ||||||||||
|
05-08-23, 10:31 AM | #17 | ||||||||||||||
صحراء نجْد
| | ||||||||||||||
|
05-08-23, 10:40 AM | #18 | |||||||||||||||||||||||||||||||
|
يقون جدانا كنز ثمين اثروا به حياتنا الله يرحمهم | |||||||||||||||||||||||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||