انا والنوم علاقتنا
زفت...
الناس اللي تنام وهي تتصفح
الجوال او بالصالة
ولا السيارة احسدكم
من المنبر اعلن عن رأس لا يحتوي
ع شيء غير عقل مضروب
ولسان شبرين
وامنحوني من هالجماجم
اللي متصالحة مع النوم
تعبت الارق يزيد مشاكلي
الصحية والنفسيه
انا لو انام زين
كنت عضوة بجمعية الرفق بالحيوان
وحماية الحياة الفطرية
وجمعية الامم المتحدة
لنشجب ونستنكر
وضع اللي معصبين من قلة
النوم...
مااخفيكم امي ترقيني هالفترة
تقول اللي فيك عين
الراقي نام والمرقي عليه
يسولف لشياطين
الجن والإنس
ماعندي سالفة اضيع وقتي
بـ إنتظار الصلاة

يقول بدر بن عبدالمحسن
رحمه الله
تذكّر النسيان لا عاد تنساه
يا قلب .. وانسى القلب لعل يشفا

يدرى الحبيب انه حبيبٍ وابجفاه
ما هو خراب الكون .. لاقفيت واقفا !

كان الخطا منى .. فـ قلبي خطاياه
هو علّمه .. وشلون يهجر ويجفا

تعب المسافر .. وابعد الموج مرساه
صار المدى له يم والشمس مرفا
نلقاكم على خير
من شأن محد يقول أمل انحاشت
إستراحة
انتبهو ارجع والقى احد تبلك
نجمة اصصصص الين ارجع
هذا اذا مو انا

مساء الورد يارفاق
تراي اغليكم بلا بشكل عدوينكم
لكن فصلات المزاج الله ياخذها
وابشركم الحمد لله نجحت العملية
عملت اشعة اليوم وكانت تمام
هذا ع الصعيد الشخصي
اشوف الحلوات يكتبن
عن توقف للمنتدى
هالمدير عمل عقاب جماعي
قلت لكم لاتعززون تالية
تعزيزكم كان بيطير المكان
ماتنعطى وجه
شكراً لـ أرواحكم روح روح
وجودكم سعادة
...
يقول تولستري
المهم ما يجري في القلب ، لا ما
يجري أمام الناس

Eve
النايفة
وسن
اورلينا
نجمة القلب
إيلول ذا مابلعته
ماتفقدون غالي يارب
الفترة اللي طافت انعفست النفسية
كان هناك احتمال لو مانجحت
الجراحة اروح للعلاج الكيميائي
لكن رحمة الله واسعة
تجاوزتها
ولو بقيت هنا شطبت ع الباقي
من رفات العلاقات المتهاوية
هذا شيء
الشيء الثاني ايف وصلك تقييم
اعرج طار بلا شيء
الفقد سنة كونية
واعتقد من يفقد وهو موجود
ع هالفانية مو فقيده
الفقد من خذاهم الموت
او ظروف الحياة القاسية
لكن اللي يغيب
بمزاجه ينقلع وياخذ الباب معاه
من شأن المكيف مايروح تعبه سدى
راحة المكيف اهم من غيابه
ثم ان هناك اوجاع وتعب

هالمكان اعتبره متنفس
لقاء احبه
بنت ابها شوي مطر وبرااد
حق الصحبة

اغلب الخلافات
يمكن حلها بقعده نقاش
واعي...
يتم فيه إحترام العشرة
والروابط
اصل الخلافات الظنون
وسقف العشم العالي
اليوم كان حافل..
ولكنه جميل
يقول شاعر مااعرفه
لكنه جميل
على غير حزات الندم ماخذلت إحساس
ولا عاد من ذاك المساء ذهني الشارد

أخذت المواقف ظرف حين وضراوة راس
وقلبٍ اذا إشتد الزمن ينقلب مارد

إذا طحت ماقال الوطا عثره ولا باس
أقف والخطا ماهو بعد وقفتي وارد

ولو ماتخيّر من عيون الليال لباس
تلحفت في ليل الشتاء .. دمعي البارد

عندي قناعة ان الانسان
الجيد لايمكن يصير سيئ
لكنه يتغير في عواطفه
نتيجة فشل في العلاقات
او خيبة امل مهوب انا
الامل المرتبط بالعشم
لاترفع سقف توقعاتك
من شان اذا سقط ع راسك
يكون قريب
لاتتوقع من احد يكون إستثناء
الكل متشابه
انت من يصنع الاختلاف
لاتبحث عن اخر تحت مبدأ الحاجة
غير مفهومك لفكرة التكافؤ
وليس التكامل
الكمال بها الوقت مستحيل
المغريات واجد
والنفس طماعة
لذلك خفض التوقعات
تنازل
ترا حتى انت فيك عيوب
مشكلة علاقات هالوقت
هو الخلط بين كلام الفلاسفة
والعشاق حتى طلع لنا شريك
رومانسي الصباح
الظهر بائس متعطش للقهوة
العصر غريب مضيع عنزه
سهالات الله يرضا عليكم
ترا ذي متغيرات
مايحتاج اغنية وغروب
وعزله انقلع نم شوي ثمن قوم
اتعشى وماعليك خلاف
الاستوريات خنبقة لفت انتباه
ولا ترا الواحد يكتب بحزن
وهو يبلع ببراد شاي
ويلعب بلوت