كم تمنيت أنا مثلك وشرواك
لين ما خاب في لُقْيّاك ظنِّي


كنت أشوفك نَجِم من ضِمن الافلاك
واتمنى ولا جت بالتِّمنِّي


يا بعيد المدى والحل وَيَّاك
في فؤادي وأبعد شي عنِّي


قبل أعرفك وانا عايش برجواك
من سنين الصِّبا حبك سكنِّي


ما كتبت الشعر والله لولاك
لين طاع الشعر من غير جنِّي


أصعب الشِّعْر روَّضته (لعيناك)
لين صار الشِّعِر فيها يغنِّي


ما كتبته في وصفك فاق الادراك
وانْشَغَل كل خلق الله بفنِّي


والنتيجة معاك الوضع فتَّاك
ما توقعت أنا منك التجنِّي


لا لقيتك ولاني قادر أنساك
والهقاوي بوصلك أزعجنِّي


أسأل اللي بلاني فيك يبلاك
ويصبح أكبر مُنَاك القُرب مِنِّي




سُهيل

أسأل اللي بلاني فيك يبلاك
ويصبح أكبر مُنَاك القُرب مِنَِي

الله عليك ابدعت كالعادة بصراحة:
نص فخم وجميل كأنك تسمع موسيقى

ربي يوفقك باحسن منه

هذه القصيدة لاتفسر إلا بالجمال
الشعور بكل اتجاهاته خيال !
شاعرنا المبدع سهيل
أجزلت وأوفيت المعنى ببلاغة الترف
سلمت وسلم إحساسك والبنان
مودتي والياسمين

تستحق ختم الإبداع مع التقييم