مجارة بين الشاعرة / احلام عابره والشاعر/ حمد بن فهد المخالده السبيعي.
تقول الشاعرة/ احلام عابره:-
كل عام وانت بخير يا ساكن...... الروح
حضرت ولاغبت كل عام وانت.... بخير

غبت عني أعوام وتركت القلب. مجروح
وبكل عيد ابعثلك كل عام وانت.. بخير

اساهر نجوم الله وبشوقي لها..... ابوح
ومع النسمه ابعثلك كل عام وانت بخير

ودعت وانا اترجاك لا تتركني.... وتروح
بغيابك ياهوى الخاطر لاوالله منا. بخير

يشتاقلك قلبي ونبضاته صارت .... نوح
وشلون بعد فرقاك يكون قلبي......بخير

تعال قبل صاحبك يشيلوه على.... اللوح
وما تعود تاصلك منه كل عام وانت بخير
الشاعرة/ احلام عابره
=========================

رد الشاعر/ حمد بن فهد المخالده السبيعي:-
. <{ النجوم من الغيرة }> .
اهلا هلا بك يالقلب الصافي السموح
كل عام وأنتي طيبة يا وجه الخير

في غيابي في حضوري عني ما تروح
بس قلي كيف المكسور يسبق الطير

اعذريني النجوم من الغيرة ما تبوح
والنسمة عكرها غبار ما جد في السير

لا لا ما تركتك برضاي يا حبيب الروح
لا راجع حسابك لا تعتبرني مثل الغير

تطمني ما لنا غير اللي كتب في اللوح
وارضي بالمقسوم يكون قلبك بخير

ابشري على أول طائرة تطير لك بروح
تارك موتري في ورشة تصلح له القير
الشاعر/ حمد بن فهد المخالده السبيعي

أخي الكريم الغالي النسيم المسافر نورت الصفحة المتواضعة نور الله قلبك بالإيمان وطاعة الرحمن وحفظك الله في الحل والترحال وفي كل مكان وزمان اتمنى لك السعادة ماحييت اللهم آمين
أخوك / حمدفهد