*


لا : ليس مدخل
انما خنجر ..!


تعال :
.... اعلمك وش معطيات الكيف
قبل لا تغرق بكميّة الللل مدري

تفاخر بالظهور اللي بلا تشريف
وانا بالعزلة اللي حافظة قدري

بعد حتّت مباديّك بفصل الحيف
انا باقي على مبداي من صغري

انا مَ احتاج لشويةْ مديح وزيف
انا اعظم جيل وابلغ شعر في عصري

فلا آسف عليك ولَا على التسويف
ولكني كثير الآسف لعمري



إنتباهة !!


حَبّيت قبل انتبه وانهار
حتى غدا الحب مُستَأْثَر

تحكي عن الحب هالشعّار
والحب مَيْقال ؟ يُستشْعَر

حبيبتي والمساء مشوار
يركض ورا صبحك الأبْكَر

لا تجرحي من عليك يغار
رجّال مَيْغار ( مُستحْقَر )

وِشْ لَه غدينا حلوم صغار
نِشيخ : نكبر : وهي تصْغَر

واخطائنا .... ملّت التكرار
وتبريرها .... صار ما يُعْذَر

حبيبتي ... والجروح كبار
من علم ... جروحنا تكْبَر

طفل المحبّه : بريء وبار
لكن معك عق واستكْبَر

كان اللقاء : زمهرير ونار
وفراقنا ذنب مستنْكَر

غير اقبلي ما عليك غبار
وانا عليّ الزمن الاغْبَر

قبل انّي آثور بإستنفار
وارد ما راح : راح اكْثَر

صوت العفو فوق صوت الثار
فيني : وانا فِي يِدِيْ اثْأَر

لي قلب يكره يقول إشْ صار
وش صار : تركض ورا المنبر

لا شاف حب الظهور احتار
ويقول مبداي : خط احْمَر

يشوف الاضواء كشف ستار
في وقت ظل العفاف اسْتَر

ما هو يقول اللقاء مكّار
مكر النساء :لَا: هَذَاكْ امْكَر

حبيبتي كلْ شي ( دوّار )
عليك بيدور : وانتِ اخْبَر

التوبه بحاجة استغفار
استغفري عن قساك اجْدَر

هذا انا : لو قدرت اختار
اخترت اعيشك كثر ما اقْدَر




* عـتـيــم ..!


.