يا لايمي في حبها لا تنصح
القلب فيها ضاع والله دليله

ما غيرها امن الناس يسكن قلبي
مِن بَعْدَها قلبي ألا عِزي له

هذي مناتي قبل إني أُخلق
الفارعة أم العيون الكحيلة

لو شافها العذال بس بعيني
شالوا من همومي مثل ما اشيله

يا ليتها مرة تحس بحبي
يا ليتها تعطف عليه |وتجيله|

ما كان والله شفت هذا حالي
ولا عرفت الصن والتدبيلة

أقزر الليل أتسلَّى عنها
ويلومني خلي على التشكيلة

ما يدري إني يوم جيت امربِّع
هارب بجلدي من همومٍ ثقيله

إذا جلست بمفرد تخنقني
العَبْرة وقلبي تعالى عويله

حاولت أنساها ولاني قادر
وشلون بس أنسى الحياة الجميلة

ذي قصتي يا لايمي لو تدري
أدري بحرصك بس مالي حيلة

والله لو الكل جا يعذلني
ماني بِسامعْ لِلعَذُولْ تَعْذِيله

يا ناس تكفون اتركوني بحالي
النفس من كثر الكلام عليله

آخر طلب يا ناس حلوا عني
ما دام قلبي ما رمى منديله



لـ جرير

يشرفني أن أكون أول من تتنفس لعبير
فصول حبك وتلاوين هذا البوح العذب
زاخر حرفك ومحمل شعرا ومشاعر
جمال حاضر وعذوبة لا متناهية
راق لي ما قرأت .. راق لي جداً..
صح لسانك وسلم بنانك ..
وبورك ألقك ودام شاعرنا جرير
يختم مع التقييم …

صح لسانك جرير

لشعرك نكهة خاصة لا تشبه أحدا هنا

وهذا ما يميزك

تحياتي

بل الشرف لي أنا والله

شكرا ياسمين كلامك حضورك

شكرا للختم والتقييم

يا ربي يسعدك

دمتِ بود