الـوقت غلاب ..وإن كثروا مساميره
والروح تشكي العــنا من فقد غـاليها
فقدت مـن كان لي الْنبراس والْنـيره
اللي ليال الزمان السود .. يضويـها
خـلاني أبـوي للتـفكـير .. والحـيره
والبسمة اللي اختفت من وجه راعيها
الفقد تعـجز لـسان الشعر تـصويره
لـو تجـمع أقـلام شعــّـار ً تجـاريها
أمـاني ..إن خفت قلبي محد ايجيره
الا يـدينه ..يا لـيت الـروح تفـديهـا
اْهـو السعد والفرح لا حان تبشيره
ترقص مشاعر فـؤادي يوم يحييها
الحال من عقب فقده يالله الــــخيره
وأحـزاننا ..ما لهـا الا صـبر واليها
القلب محزون ما يلقى احد ٍ غــيره
يمـلى مكانه مـن أقصاها ودانيها



رحمك الله والدي الحبيب واسكنك

فسيح جناته ورحم الله والدتي الحبيبة

وجمعني بكم في جنات الخلد حيث لافقد

اللهم آمين~