السلام عليكم ورحمة الله وبركاته
مجاراة الشاعر / حمد بن فهد المخالده السبيعي للشاعر/ القارظ العنزي.
قال الشاعر / القارظ العنزي:-
ارهقتني يالقاف من غير مصلوح
نكتب ولا به من حبيبي .. جوابي

نويت اغادر ساحة القاف . واروح
اعيش في غار وحيد .... الجنابي

لا به مذمة ....... ولا فيه ممدوح
ما لي ومال الحب زاد ... بخرابي

لا صاحب ينشد ولا فيه . ناصوح
الا حبيب عيشن ........ بالسرابي

يالله يالمعبود يا مسطر .... اللوح
يا غافر السيات وسع ...... ثوابي

يا رب تكفيني هوى كل ... ذابوح
المترفة زادت علي ..... الصوابي

يالله سامحني وانا اقول مسموح
للي ظلمني واشتهر في ... عذابي

القارظ العنزي

====================
رد الشاعر/ حمد بن فهد المخالده السبيعي :-
. <{ القاف ما يرهق هاوي }> .
ألا يالقارظ العنزي لا تروح لا تروح
إن كان تقدر تروح روح بليا زهابي

القاف ما يرهق هاوي فيه مذبوح
سبة حبيب دهاه بحبه كمالسرابي

فالحبيب السامي صاحبه مطروح
كم و كم قايل من المحبة ياعذابي

صاحبك ينشد عنك مادور مصلوح
سقاه الحاسد لك وله مر الشرابي

ربك كريم خليك في الدعاء لحوح
تراك لا أول ولا آخر من به صوابي

الهوى لهوى مر واصل ومر شحوح
مثلك شجاع عند الشدايد مايهابي

سج القدم صوب الحبيب المملوح
من بعد الغياب بتلقى عنده جوابي
الشاعر/ حمد بن فهد المخالده السبيعي
حرر في : ١٦/ ٠١/ ١٤٤٥هجري
الموافق : ٠٣/ ٠٨/ ٢٠٢٣م

مافيكم حيلة
نظم وافي
صح لسانك ولسانه

يا بو فهد قلبي من البيض مجروح
قلبي تعلق مع زينات .... التصابي
الجارحة بالعين حطت بي . جروح
الناعمات رموشهن ريش .. الغرابي
واللي ذبحني بينهن خوش ذابوح
خطو الطموح اللي تحط الخضابي
يا جرح قلبي كيف ماصير مجروح
دام ان حبيب الروح جود صوابي


صح السانك اخوي حمد بن فهد السبيعي
على جمال المجاراة لاهنت ولا هان منطوقك

اخي الكريم الغالي النسيم المسافر سلمت يداك الوضاءة وقلبك الطاهر يحفظك ربي ويرفع من مقدارك بين اهلك ومحبيك ومن تحب.
أخوك / حمدفهد

أختي الكريمة الغالية خياآل صح بدنك مدد بلا عدد يحفظك ربي دين ودنيا وآخرة سلمت يداك الوضاءة وقلبك الطاهر.
أخوك / حمدفهد