هل القط مايحب الا خناقه ؟
والناس تميل الى الي يعاملها بشيء من
القسوة


مارايكم ؟

لا هذا مو نوعي
اللطافة تأثيرها علي أفضل بمليون مرة من القسوة

القسوة تخليني أعاند وأعصب وما أسمع الكلام أبداً
وأصير قاسية جداً وأجرح في الصميم وأردها بنفس الطريقة
عشان يحسون بشعوري

يعني إذا شفتوني قاسية أكيد لأن في حد عاملني بنفس الطريقة
مو لأنه طبعي
وقسوتي كانت ردة فعل وقبلها أكون سكت واستحملت كثير

أحس اللي ما يمشون إلا بالقسوة
ما عندهم احترام ل ذاتهم وتم عمل غسيل لعقولهم
وإقناعهم أنه شي عادي

مع أن الطبيعي أنهم ما يسكتون ويعترضون على الأسلوب

أنا أعرف ناس ما يرتاحون إلا إذا عاملوني بقسوة وتنمروا وتوحشوا علي

بس ترا مو كل يوم بمشيها
عادي أسوي لهم سبرايز بيوم ويطلع الوحش الكاسر ويدمر كل شي

بعدين بيقولون بسم الله مين هذي حسبناها مسكينة وعلى نياتها وضعيفة
وعيونهم بتنط من قوة الصدمة

بس حظكم حلو لأن حتى الآن ما شفتوا عصبيتي الحقيقية

تذكرت موقف سمعته قبل فترة

وحدة لما بنتها تشاغب
تعاملها بقسوة وتقولها أنتِ عنيدة وما تسمعين الكلام

الجدة شافت أسلوب الأم وقالت لا تقولين لها عنيدة وما تسمعين الكلام
لأن كذا بتزيد وفعلاً كانت تزيد أكثر وأكثر

قالت قولي لها أنتِ شاطرة وتسمعين الكلام
ولما طبقت هالشي صارت البنت تسمع الكلام

^ هذي البنت نفس نوعي
تقولي شاطرة أصير شاطرة

تقولي شينة وعنيدة أصير شينة
وأغثك وأعاند وأطلع عينك

يعني على حسب نظرتك لي