ودي بوصلك يا أعز الحبايب
ما دام مالي عن وِصَالك قناعة

ماني بقايل لك ترى القلب طايب
طبعي أنآ أكره أمور القطاعة

أنا أدوِّر للمواصل سبايب
ما بين يدَّينك أقدم شفاعة

من أجل ما نصبح كأنَّا غرايب
للي تبيه أقول سمعا وطاعه

الحب عمره ما يجي بالطلايب
ولا تِأَلِّف قلب باسم الشجاعة

السلم يفعل بالقلوب العجايب
والكلمة الحلوة تزيده مناعة

وش فيه لو عشنا عُمُرْنا قرايب
أحباب ما نبعد ولا ربع ساعة

ناخذ من الدنيا فرحنا غصايب
ونوزع الأفراح بين الجماعة


لِـ جرير

صح لسان جرير
نص جميل

راق لي كثيرا

تحياتي